అఖిల్ సెకండ్ డైరెక్టర్.. మళ్లీ మారినట్టే?

అక్కినేని అఖిల్ అరంగేట్ర మూవీ అఖిల్ తో బాగానే డిజప్పాయింట్ అయ్యాడు. స్టార్ ల వారసులు కెరీర్ కొంత రేంజ్ కి వెళ్లాక సొంతగా ప్రూవ్ చేసుకోవాల్సిన పరిస్థితి వస్తుంది కానీ.. అఖిల్ ఈ సిట్యుయేషన్ ఫస్ట్ మూవీకే ఎదుర్కోవాల్సి వస్తుంది. అందుకే సెకండ్ సినిమా విషయంలో చాలానే జాగ్రత్తలు తీసుకుంటున్నాడు. అయినా సరే దర్శకుడి విషయంలో మాత్రం ఇంకా క్లారిటీ రావడం లేదు.

మొదట సుకుమార్ పేరు వినిపించింది.. అతడు చెర్రీతో సినిమాకి సెట్ అయిపోయాడు. ఆ తర్వాత కళ్యాణ్ కృష్ణ అన్నారు కానీ.. ఇతను నాగచైతన్యకు మొగ్గాడు ఆ తర్వాత వంశీ పైడిపల్లి పేరు గట్టిగానే వినిపించింది. ఈ దర్శకుడు మహేష్ తో మూవీకి సిద్ధమైపోతున్నాడు. హను రాఘవపూడి పేరు వినిపించడమే కాదు.. స్వయంగా అఖిల్ కూడా తన సెకండ్ సినిమా హనుతోనే అన్నాడు ఆ తర్వాత ప్రొడ్యూసర్ ప్లాబ్లెమ్ తో ఇది కూడా క్యాన్సిల్ అయిపోయింది. కొన్ని రోజుల క్రితం మనం ఫేమ్ విక్రమ్ కే కుమార్ తో సినిమా ఖాయమైపోయిందని చెప్పేసుకున్నారు. తీరా ఆ దర్శకుడు వచ్చే నెలలో పెళ్లి చేసుకోనుండడంతో.. ఇప్పట్లో స్క్రిప్ట్ ను ఫైనల్ చేసే పరిస్థితి లేదు.

లేటస్ట్ గా అఖిల్ తో దర్శకుడు మారుతి సినిమా చేయనున్నాడనే టాక్ స్ట్రాంగ్ గానే ఉంది. ఇప్పటికే కథను తయారు చేసే పనిలో చివరి అంకానికి చేరుకున్న మారుతి.. ఈ వారంలో అఖిల్ కు కథ వినిపిస్తాడని తెలుస్తోంది. ఇది ఓకె అయితే వెంటనే సినిమా మొదలెడతారట. మరి అఖిల్ సెకండ్ కి ఈ డైరెక్టర్ అయినా ఫైనల్ అవుతాడా.. మారిపోతాడా అనేది కోట్ల రూపాయల క్వశ్చన్ అయిపోయింది.