అఖిల్ ని అలా చూసి స్టన్ అయిపోయారు

నాగచైతన్య నటించిన ప్రేమమ్ ఆడియో ఫంక్షన్ కు దిగ్గజాల పాటు గెస్టులు చాలామందే వచ్చారు కానీ.. వారందరిలోకి అఖిల్ ని సంధింగ్ స్పెషల్ అనాల్సిందే. అన్నయ్య సినిమాపై తమ్ముడు ఏం చెబుతాడా అని వెయిట్ చేసిన వారికి.. తగిన మాటలు చెప్పాడు అక్కినేని కుర్రాడు. 'లవ్ స్టోరీల్లో అన్నయ్యకు పోటీ ఇవ్వలేను' అన్న డైలాగ్ సూపర్బ్ గా పేలింది.

అయితే.. ఈ ఫంక్షన్ లో అఖిల్ కనిపించిన తీరు చాలామందిని ఆశ్చర్యపరిచింది. తన మొదటి మూవీ అఖిల్ తో పోల్చితే.. ఇప్పుడు కండలు పెంచాడు.. ఒళ్లు చేశాడు. నిండుగా భలేగా ఉన్నాడు అఖిల్ అనే కామెంట్స్ వినిపిస్తున్నాయి. అరంగేట్రానికి ముందు బాగా సన్నగా కనిపించే ఈ కుర్ర హీరో.. అఖిల్ మూవీ కోసం కూడా కొంచెం బాడీ పెంచాడు కానీ.. లుక్స్ తో ఆకట్టుకోలేకపోయాడు. ఇప్పుడు రెండో సినిమాకి సిద్ధమవుతున్న వేళ.. అఖిల్ ని ఇలా చూసేసరికి ఫ్యాన్స్ ఖుషీ అయిపోతున్నారు.

లవ్ స్టోరీల్లో అన్నయ్యకు పోటీ ఇవ్వలేనంటూ.. విక్రమ్ కె కుమార్ తో తన రెండో సినిమాపై ఓ చిన్న క్లూ ఇచ్చేశాడు అఖిల్. ప్రస్తుతానికైతే.. అఖిల్ మాస్ యాక్షన్ ఓరియెంటెడ్ మూవీస్ పై దృష్టి పెట్టిన సంగతి తెలిసిందే. అయితే.. ఇప్పుడు కుర్రాడి కెరీర్ ని గాడిలో పెట్టడానికి తండ్రి అక్కినేని నాగార్జున రంగంలోకి దిగిపోయాడు కాబట్టి.. ట్రెండ్ సెట్టింగ్ కి ట్రయల్స్ బాగానే జరగొచ్చంటున్నారు ఫిలింనగర్ జనాలు.