థమన్ కు లంచం ఇవ్వాల్సి వచ్చింది: అఖిల్

అక్కినేని అఖిల్ కొత్త సినిమా 'Mr. మజ్ను' శుక్రవారం ప్రేక్షకుల ముందుకు వస్తోంది. ఈ సినిమా విజయంపై అఖిల్ మాత్రమే కాదు.. 'Mr. మజ్ను' టీమ్ అంతా కాన్ఫిడెంట్ గా ఉంది. ఇక అఖిల్ తన వైపు నుండి సినిమాపై హైప్ పెంచేందుకు ఇంటర్వ్యూలు ఇస్తూ ఎన్నో విశేషాలు ప్రేక్షకులతో పంచుకుంటున్నాడు. రీసెంట్ ఒక ఒక ఇంటర్వ్యూలో థమన్ గురించి ఒక ఇంట్రెస్టింగ్ విషయం వెల్లడించాడు.

'Mr.మజ్ను' కు పనిచేసిన వారు చాలా యంగ్ అని.. షూటింగ్ సమయంలో ఒక ఫ్యామిలీలాగా కలిసిపోయమాని తెలిపాడు. థమన్ కూడా తమలాగే యంగ్ అనుకున్నామని కానీ తనకు 14 ఏళ్ళ వయసున్న కొడుకు ఉన్నాడని తెలిసి ఆశ్చర్యపోయామని అన్నాడు. అయినా థమన్ ఒక చిన్నపిల్లాడిలా అందరితో కలిసిపోతాడని తెలిపాడు. అంతే కాదు.. థమన్ కు సంబంధించిన మరో సీక్రెట్ కూడా చెప్పేశాడు. థమన్ కు క్రికెట్ అంటే ప్రాణం అని.. అందుకే 'Mr.మజ్ను' ట్యూన్లు త్వరగా ఇచ్చేందుకు ఒక బ్యాట్ ను లంచంగా ఇచ్చానని తెలిపాడు. మామూలు బ్యాట్ అయితే థమన్ భయ్యా ఎందుకు టెంప్ట్ అవుతాడు? అది కెవిన్ పీటర్సన్ వాడిన బ్యాట్ అట.

ఎవరి చేత ఎలా పనిచేయించుకోవాలి.. ఎవరికి ఏ గిఫ్టులు ఇచ్చి బుట్టలో పడెయ్యాలి అనేది తెలియడం కూడా ఒక కళే. ఎంతైనా నాగార్జున ముద్దుల కొడుకు కదా.. మొత్తానికి అక్కినేని వారి అబ్బాయికి ఇలాంటి తెలివితేటలు బాగానే ఉన్నాయి. పనిలో పనిగా హిట్టు కూడా వస్తే అక్కినేని అభిమానులు కాస్త ఊపిరి పీల్చుకుంటారు!