అందుకే అఖిల్‌ కనెక్ట్‌ అయిపోయాడట

ఈ శుక్రవారం చునియా అనే లేడీ డైరక్టర్‌ తీసిన ''పడేశావే'' అనే సినిమా వస్తోంది. ఈమె అన్నపూర్ణా స్టూడియోస్‌ లో క్రియేటివ్‌ ఇన్‌ చార్జ్‌ గా పనిచేసింది. అందుకే ఇప్పుడు ఎంటైర్ అక్కినేని ఫ్యామిలీ అంతా ఈమె డెబ్యూ సినిమాను ఫుల్లుగా ప్రమోట్‌ చేస్తున్నారు. ఇప్పుడు అఖిల్‌ కూడా చేతికి కట్టేసుకొని మరీ ప్రమోషన్‌ కోసం ముందుకొచ్చాడు.

తము ఫ్యామిలీకి.. తమ అన్నపూర్ణ స్టూడియోస్‌ కు చునియా ఎంతో దగ్గరైన వ్యక్తి అని.. ఈ సినిమాను అందరూ చూసి ఆమెను బ్లెస్‌ చేయాలని అఖిల్‌ కోరుకున్నాడు. అంతే కాదు.. ఈ సినిమాకూ తనకు ఉన్న కనెక్షన్‌ ఒకటి చెప్పుకొచ్చాడు. అదేంటంటే.. ఈ సినిమా టైటిల్‌ ''పడేశావే''.. అలాగే అఖిల్‌ డెబ్యూ సినిమాలో 'పడేశావే పడేశావే' అంటూ థమన్‌ బాబు కంపోజ్‌ చేసిన సాంగ్‌ ఒకటి ఉంది. అందుకే అఖిల్‌ఈ సినిమాకు బాగా కనెక్ట్‌ అయిపోయాడట.

ఇకపోతే ఇప్పటివరకు ఈ సినిమాను అన్నపూర్ణ స్టూడియోస్‌ అండ్‌ కో బాగానే ప్రమోట్‌ చేశారు. మరి శుక్రవారం ఈ సినిమాను ప్రేక్షకులు ఎలా రిసీవ్‌ చేసుకుంటారో చూడాలి. అప్పుడెప్పుడో హ్యాపీ డేస్‌ మూవీ సక్సెస్‌ అయిన రేంజులో ఇప్పుడు ఈ సినిమా కూడా సక్సెస్‌ అవుతుందని యునిట్‌ వర్గాల్లో కాన్ఫిడెన్స్‌ కనిపిస్తోంది. చూద్దాం మరి.