అఖిల్ కొత్త ట్రైలర్ తో కొడతాడు

మరో మూడు వారాల్లో వచ్చేస్తున్నాడు అఖిల్. రిలీజ్ డేట్ దగ్గర పడుతుండడంతో ప్రమోషన్ కార్యక్రమాల్లో వేగం పెంచుతున్నారు. ఇప్పటికే అమెరికా వెళ్లి ఆడియో రిలీజ్ చేసి, కొత్త ఫార్మాట్ కి తెర తీసిన అఖిల్ కి.. త్వరలో మరో ట్రైలర్ రిలీజ్ చేయబోతున్నారు.

ఆడియో రిలీజ్ రోజున ప్రిపేర్ చేసిన ట్రైలర్ అంతగా ఆకట్టుకోలేకపోయింది. కంటెంట్ ని, కాన్సెప్ట్ ని ఎస్టాబ్లిష్ చేయడానికి ట్రై చేసినా.. అందులో ఎట్రాక్షన్స్ అంతగా లేవనే విమర్శలు వచ్చాయి. దీంతో ఈసారి పక్కా మాస్ మసాలా ట్రైలర్ ని రెడీ చేస్తున్నారు అఖిల్ కి.

వినాయక్ అంటేనే మాస్ డైరెక్టర్. మాస్ లుక్స్ అదరగొట్టేస్తున్నాడు అఖిల్. ఇద్దరి కాంబినేషన్ లో ఫుల్ ప్లెడ్జెడ్ గా మాస్ ట్రైలర్ ని లాంఛ్ చేసేందుకు.. యూనిట్ కసరత్తు చేస్తోంది. ఈ సారి పూర్తి స్థాయి వినాయక్ మార్క్ కనిపించనుందని తెలుస్తోంది. సాయేషా సైగల్ తో చేసిన రొమాన్స్ ని కూడా మాస్ కి మిక్స్ చేసి మసాలా వండుతున్నారట.