అఖిల్ అంత మాటన్నాడేంటి?!

హీరోలెవ్వ‌రూ హీరోయిన్ల‌ని సిస్ట‌ర్ అని సంబోధించ‌రు. ఒక‌వేళ మ‌న‌సులో ఆ భావం ఉన్నాకానీ ఎప్పుడు జంట‌గా న‌టించాల్సి వ‌స్తుందో అని మ‌న‌సులోనే దాచిపెట్టుకొంటారు. హీరోయిన్లు కూడా అంతే. మాట వ‌ర‌స‌కు కూడా ఫ‌లానా హీరో బ్ర‌ద‌ర్‌ లాంటోడ‌ని చెప్ప‌రు. కానీ అఖిల్ మాత్రం ఓ హీరోయిన్‌ ని సిస్ట‌ర్ అనేశాడు. ఆ హీరోయిన్ ఎవ్వ‌రో కాదు... రాశిఖ‌న్నా. గ‌మ్మ‌త్తేంటంటే అఖిల్ హీరోగా ఎంట్రీ ఇస్తాడ‌ని ప్ర‌చారం సాగుతున్న స‌మ‌యంలో ఆయ‌న స‌ర‌స‌న హీరోయిన్‌ గా రాశిఖ‌న్నా పేరు కూడా ప్ర‌చారంలోకి వ‌చ్చింది. అలాంటి హీరోయిన్‌ ని ప‌ట్టుకొని నా సిస్ట‌ర్‌ లాంటిది అనేశాడు. ఈ మాట విన్న మ‌న‌మే ఇంత షాక్ అయితే పాపం రాశిఖ‌న్నా ఎలా స్పందిస్తుందో!

ఒక టీవీ చాన‌ల్ అఖిల్ ని ఇటీవ‌ల ఇంట‌ర్వ్యూ చేసింది. అందులో హీరోయిన్ల గురించి అఖిల్ మ‌న‌సులో ఏమ‌నుకొంటున్నాడో ఆరా తీసింది ఆ ఛాన‌ల్‌. ఒకొక్క హీరోయిన్ గురించి చెబుతూ వ‌చ్చాడు అఖిల్‌. ర‌కుల్ ప్రీత్ సింగ్ డాన్సంటే త‌న‌కు ఇష్ట‌మ‌ని.. త‌న రెండో సినిమాలో క‌థానాయిక‌ని ఎంపిక చేసుకొనే ఛాన్స్ వ‌స్తే అది ర‌కుల్‌ కే ఇస్తాన‌ని చెప్పాడు. మ‌రి డేటింగ్ చేయాల్సివ‌స్తే ఎవ‌రిని ఎంపిక చేసుకొంటారు అని అడిగితే మ‌నోడు ఇంగ్లీష్ పిల్ల అమీజాక్స‌న్ పేరు చెప్పుకొచ్చాడు. సెక్సీ ఫిగ‌ర్ అఖిల్‌ కి అంత‌గా న‌చ్చింద‌న్న‌మాట‌. ఆ విష‌యంలో అఖిల్ టేస్టు సూప‌రే. అలా ఒకొక్క హీరోయిన్ గురించి స‌ర‌దాగా చెబుతూ వ‌చ్చాడు. మ‌రి ఏ హీరోయిన్ని సిస్ట‌ర్ అని పిలవాల‌నుంది అని అడిగితే రాశిఖ‌న్నా పేరుచెప్పాడు. పాల‌కోవాలాంటి బుగ్గ‌లున్న సెక్సీ ఫిగ‌ర్‌ ని సిస్ట‌ర్ అనాల‌ని అఖిల్‌ కి ఎందుకు అనిపించిందో! కానీ ఈ దెబ్బ‌తో రాశిఖ‌న్నాకి అఖిల్‌ తో న‌టించే ఛాన్స్ పోయిన‌ట్టే అని అర్థం చేసుకోవ‌చ్చు. మ‌రి అఖిల్ చేసిన ఈ కామెంట్లు రాశిఖ‌న్నాకి చేరాయో లేదో!