పంచతంత్రం నిర్మాత హానెస్ట్ రిక్వెస్ట్..

సినీ పరిశ్రమలో కొత్త నటులు, దర్శకులే కాదు పరిశ్రమ మరింత పెద్దది కావాలంటే కొత్త నిర్మాతలు కూడా కావాలి. వారు చేసే ప్రయత్నం చిన్నదా పెద్దదా అన్నది పక్కన పెడితే వారు ఎంత హానెస్ట్ గా చేస్తున్నారన్నది ఇంపార్టెంట్. టాలీవుడ్ లోకి మరో యంగ్ ప్రొడ్యూసర్ అఖిలేష్ వర్ధన్ వస్తున్నారు. పంచతంత్రం సినిమాతో తన మొదటి సినిమాని ప్రేక్షకుల ముందుకు తెస్తున్నారు.

శుక్రవారం రిలీజ్ అవుతున్న ఈ సందర్భంగా నిర్మాత ఒక ప్రెస్ నోట్ రిలీజ్ చేశారు. 18 నెలల మా కష్టం ఈ సినిమా.. సుధీర్ఘ నిరీక్షణ తర్వాత మా ఈ సినిమాను మీ ముందుకు తెస్తున్నాం.. మా కలని మీ ముందుకు తీసుకొస్తున్నాం. ఈ సినిమా మిమ్మల్ని నవ్విస్తుంది.. ఏడిపిస్తుంది.. ఆలోచింపచేస్తుంది అంటూ చెప్పుకొచ్చారు అఖిలేష్ వర్ధన్.

సినిమాను ఎంత సిన్సియర్ గా తీశారో అదేవిధంగా ప్రేక్షకులను కూడా రిక్వెస్ట్ చేశారు. ఈ సినిమా చూసి నచ్చినా నచ్చకపోయినా తనకు మెసేజ్ చేయండి అని చెప్పడం విశేషం. సినిమాలు అందరు తీస్తారు కానీ తమ సినిమాపై ప్రేక్షకుల్లో భరోసా కలిగేలా చేయడం కొందరికే సాధ్యం అవుతుంది. ఆ విషయంలో నిర్మాత అభినవ్ వర్ధన్ సక్సెస్ అయ్యారని చెప్పొచ్చు.

మనసుని టచ్ చేసే ఐదు కథలతో వస్తున్న ఈ పంచతంత్రం మూవీ లో బ్రహ్మానందం, కలర్స్ స్వాతి, శివాత్మిక వంటి నటీనటులు ఉన్నారు. సినిమాలో కంటెంట్ బాగుందని ఇప్పటికే సినిమా చూసిన కొందరు చెబుతున్నారు. హర్ష పులిపాక డైరెక్ట్ చేసిన ఈ సినిమా ప్రచార చిత్రాలు ఇప్పటికే ప్రేక్షకుల్లో ఒక అంచనాలను ఏర్పడేలా చేసింది.

మాకిష్టం వచ్చినట్టు మేం సినిమా తీశాం మీకు ఇష్టం ఉంటే చూడండి లేదంటే లేదు అనే నిర్మాతలు కొంతమంది ఉంటారు. కానీ సినిమా మీ అందరికి నచ్చుతుంది.. ఇప్పటినుంచి ఇది మీ సినిమా అంటూ నిర్మాత చేసిన హానెస్ట్ రిక్వెస్ట్ కే ఆడియన్స్ ఫిదా అవుతున్నారు. తప్పకుండా ఇలాంటి సినిమాలను ఆదరిస్తేనే సినిమా అనేది ఒక వ్యాపారం గా కాక ఒక అద్భుతమైన అనుభూతి ఇచ్చే సాధనంగా కొంతమంది నిర్మాతలైనా ఇలాంటి మంచి సినిమాలు తీసే ఛాన్స్ ఉంటుంది.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.