మురుగ‌దాస్ కొత్త సినిమా పోస్ట‌ర్ ఇదిగో..

త్వ‌ర‌లోనే మ‌న మ‌హేష్ బాబుతో తెలుగులో ఓ భారీ సినిమాకు శ్రీకారం చుట్ట‌బోతున్న త‌మిళ స్టార్ డైరెక్ట‌ర్ మురుగ‌దాస్‌.. కొన్ని నెలలుగా ‘అకీరా’ అనే బాలీవుడ్ మూవీ ప‌నుల్లో బిజీగా ఉన్న సంగ‌తి తెలిసిందే. సోనాక్షి సిన్హా ప్ర‌ధాన పాత్ర‌లో తెర‌కెక్కుతున్న ఈ లేడీ ఓరియెంటెడ్ మూవీని ఫాక్స్ స్టార్ స్టూడియోస్ సంస్థ‌తో క‌లిసి మురుగ‌దాసే స్వ‌యంగా నిర్మిస్తుండ‌టం విశేషం. ‘అకీరా’ ఫ‌స్ట్ లుక్ పోస్ట‌ర్ ట్విట్ట‌ర్లో రిలీజ్ చేశాడు మురుగ‌. సింపుల్ గా టైటిల్ లోగోలోనే సోనాక్షి లుక్ ను మిక్స్ చేసి ఆస‌క్తిక‌ర పోస్ట‌ర్ రిలీజ్ చేశాడత‌ను. ఎవ్వ‌రినీ క్ష‌మించేది లేదు అన్న‌ది ‘అకీరా’ క్యాప్ష‌న్‌.

మురుగ‌దాస్ చేస్తున్న తొలి రీమేక్ మూవీ ఇదే కావ‌డం విశేషం. త‌మిళంలో శాంత‌కుమార్ అనే కొత్త ద‌ర్శ‌కుడు రూపొందించిన థ్రిల్ల‌ర్ మూవీ ‘మౌన‌గురు’కు ఇది రీమేక్. త‌మిళంలో హీరో ఓరియెంటెడ్ మూవీ కాగా.. హిందీకి తగ్గట్లుగా కథను మార్చి.. హీరోయిన్ ఓరియెంటెడ్ మూవీగా తీర్చిదిద్ది.. సోనాక్షి సిన్హా ప్రధాన పాత్రలో ఈ సినిమాను రూపొందించాడు మురుగ‌. సోనాక్షి తండ్రి, ఒకప్పటి యాక్షన్ హీరో శత్రుఘ్న సిన్హా కూడా ఈ సినిమాలో కీలక పాత్ర పోషిస్తున్నాడు. తండ్రీ కూతుళ్లు కలిసి నటిస్తున్న తొలి సినిమా ఇదే. సోనాక్షి ఇంత‌కుముందు మురుగ‌దాస్ తీసిన ‘హాలీడే’లో క‌థానాయిక‌గా న‌టించింది. సెప్టెంబ‌రు 23న ‘అకీరా’రా ప్రేక్ష‌కుల ముందుకొస్తుంది.