మన్మథుడికి నో చెప్పిన అఖిల్

అక్కినేని నాగేశ్వరరావుకు నట సామ్రాట్ అనే బిరుదు ఉండేది. ఆ పేరును వారసత్వాన్ని కంటిన్యూ చేస్తూ.. నాగార్జునకు యువ సామ్రాట్ అనే బిరుదు ఇచ్చేశారు అభిమానులు.. ఇండస్ట్రీ జనాలు. ఇప్పుడు నాగ్ యువకుడు కాదు కాబట్టి.. ఆ బిరుదును వాడడం మానేశారు. మధ్యలో వచ్చిన మన్మథుడు మూవీ.. నాగ్ ను టాలీవుడ్ కి మన్మథుడిని చేసేసింది.

అయితే.. అక్కినేని అఖిల్ మాత్రం ఇలాంటి బిరుదులు మాత్రం తనకు తగిలించొద్దని అంటున్నాడు. అఖిల్ ను ఇప్పుడు కొంతమంది నవ సామ్రాట్ అనడం స్టార్ట్ చేశారు. అలాగే నవ మన్మథుడు అనే పేరు కూడా అక్కడక్కడా వినిపిస్తోంది. వీటిపై రియాక్ట్ అయిన అఖిల్.. 'పేరుకు ముందు ఇలా నాకు ఏవీ తగిలించకండి. ఇలాంటి ట్యాగ్స్ తో పిలుస్తుంటే నాకు చాలా ఇబ్బందిగా ఉంటోంది. అవన్నీ సూపర్ స్టార్స్ కు ఉంటాయని నాకు తెలుసు. నేను కేవలం అప్ కమింగ్ యాక్టర్ ని మాత్రమే' అంటూ తన సింప్లిసిటీని మరింత సింపుల్ గా చెప్పాడు అఖిల్.

రీసెంట్ గా అబుదాబిలో జరిగిన సైమా అవార్డ్ ఫంక్షన్ లో ఓ పాట పాడేసి అందరికీ షాక్ ఇచ్చాడు అఖిల్. 'విక్రమ్ కె కుమార్ దర్శకత్వంలో రూపొందుతున్న నా కొత్త సినిమాలోది ఈ పాట. అనూప్ నాకు స్టేజ్ పై ఎలా పాడాలనే విషయంపై ట్రైనింగ్ ఇచ్చాడు. స్టేజ్ పై పాడేందుకు ముందు 30 గంటల పాటు రిహార్సల్స్ చేశాను. ఇక లవ్ స్టోరీగా తెరకెక్కుతున్న ఈ మూవీలో.. యాక్షన్ ఎపిసోడ్స్ చాలా కొత్తగా ఉంటాయి' అని చెప్పాడు అఖిల్.

Like Us on Facebook : https://www.facebook.com/Tupakidotcom/