మెర్రీ క్రిస్మస్ అంటున్న చై-సామ్ జంట

టాలీవుడ్ లో ఉండే క్యూట్ కపుల్స్ లో చై-సామ్ లనే మొదట చెప్పుకోవాలి. పెళ్లి ఏడాది దాటినా ఇంకా లవర్స్ లాగే కనిపిస్తూ ఉంటారు. చైతు పెద్దగా పర్సనల్ విషయాలు షేర్ చేసుకొనేందుకు ఇంట్రెస్ట్ చూపించడు గానీ సమంతా తరచుగా తనకు.. చైతుకు సంబంధించిన అప్డేట్ లను సోషల్ మీడియాలో షేర్ చేస్తూ ఉంటుంది.

ఈరోజు క్రిస్మస్ పండగ సందర్భంగా సమంతా - చైతులు ఇద్దరూ ఫుల్ గా ఫెస్టివల్ మూడ్ లో ఉన్నారు. సమంతా ప్రతి ఏడాది క్రిస్మస్ ను ఎంతో ఘనంగా జరుపుకుంటుంది. అలాగే ఈ ఏడాది కూడా క్రిస్మస్ ట్రీ ని అలంకరించింది. గిఫ్టులు.. లైట్లు..స్టార్లతో అలంకరించిన క్రిస్మస్ ట్రీ ముందు చైతుతో పాటు నిలబడి ఫోటోకు పోజిచ్చింది. తలకు ఓ రెడ్ కలర్ జింక కొమ్ముల టోపీ పెట్టుకుని ఫుల్ స్మైల్ ఇచ్చింది. క్లీన్ షేవ్ లో ఉన్న చైతు కూడా సమంతా భుజం పై చెయ్యేసి ఓ హ్యాపీ స్మైల్ ఇచ్చాడు. ఈ ఫోటోను తన ఇన్స్టాగ్రామ్ ద్వారా పోస్ట్ చేసిన సమంతా "అందరికీ మెర్రీ క్రిస్మస్. అందరికీ కుటుంబాల్లోకి శాంతి.. సంతోషం.. ప్రేమ రావాలని కోరుకుంటున్నా. గాడ్ బ్లెస్ యు ఆల్. మెర్రీ క్రిస్మస్.. హ్యాపీ హాలిడేస్."

చై-సామ్ జంట ప్రస్తుతం శివ నిర్వాణ దర్శకత్వంలో 'మజిలి' సినిమాలో నటిస్తున్నారు. పెళ్ళయిన తర్వాత ఇద్దరూ కలిసి నటిస్తున్న సినిమా కావడంతో ప్రేక్షకుల్లో.. ఫ్యాన్స్ లో ఈ సినిమాపై అంచనాలు భారీగానే ఉన్నాయి.