అసలు అక్కినేని వారసులు నటిస్తారా??

నందమూరి తారకరామారావు గారి జీవితాన్ని తెరకెక్కించాలని బాలకృష్ణ చేస్తున్న కసరత్తులు అన్ని ఇన్ని కావు. మెయిన్ గా క్యారెక్టర్స్ విషయంలో అయితే చర్చలు ఎన్ని జరుపుతున్నా నిర్ణయాలు మాత్రం ఫైనల్ కావడం లేదు. సినిమాలో బసవతారకం గారి పాత్ర కోసం విద్యా బాలన్ ని తప్ప ఇతర క్యారెక్టర్స్ ని ఫైనల్ చేయలేదు. ప్రస్తుతం సినిమాకు సంబందించిన కాస్టింగ్ సెలక్షన్ పనులు ఇంకా పెండింగ్ లోనే ఉన్నాయి.

అసలు విషయంలోకి వస్తే.. సినిమాలో అతి కీలకమైన ఏఎన్నార్ పాత్ర కోసం అక్కినేని ఫ్యామిలీ నుంచే పాత్రకు ఎన్నుకోవాలని దర్శకుడు క్రిష్ అనుకున్నాడు. మొదట అక్కినేని నాగ చైతన్య ఆ తరువాత మరో హీరో సుమంత్ ని కూడా అనుకున్నారు. కానీ ఇంకా ఏ నిర్ణయం తీసుకోలేదు. ఆ సంగతి పక్కనపెడితే గత కొంత కాలంగా అక్కినేని - నందమూరి కుటుంబాలకు మధ్య అంతర్యుద్ధం జరుగుతుంది అనే టాక్ అయితే బలంగా ఉంది.

గతంలో చాలా సార్లు ఈ న్యూస్ వైరల్ అయినప్పటికీ టి సుబ్బిరామి రెడ్డి ఆధ్వర్యంలో నిర్వహించబడిన ఒక ఫంక్షన్ లో నాగార్జున ఆ విషయంపై క్లారిటీ ఇచ్చే ప్రయత్నం చేశారు. తమ మధ్య ఎలాంటి విబేధాలు లేవని మంచి స్నేహితులం అని నాగ్ వివరణ ఇచ్చారు. ఇకపోతే ఆ తరువాత వారు పెద్దగా కలుసుకున్నట్లు కనిపించలేదు. అంతే కాకుండా చైతు వివాహానికి కూడా హాజరుకాలేదు. ఇంకా విభేదాలు ఉన్నట్లు ఒక టాక్ ఉంది. మరి ఇప్పుడు బాలయ్య కోరితే అక్కినేని వారసులు ఎన్టీఆర్ బయోపిక్ లో నటిస్తారో లేదో చూడాలి.