బొమ్మ పడటమే ఆలస్యం బ్రదర్స్‌ ఫైట్‌

ఈ నెలలో థియేటర్లు ఓపెన్‌ చేసేందుకు ఏర్పాట్లు జరుగుతున్నాయి. ఇప్పటికే ఏపీలో థియేటర్లలో కొన్ని చోట్ల బొమ్మ పడుతోంది. తెలంగాణలో కూడా త్వరలో థియేటర్లు పూర్తి స్థాయిలో ఓపెన్‌ అయ్యే అవకాశం ఉందని ఇండస్ట్రీ వర్గాల టాక్‌. ఆగస్టు మొదటి వారంకు పూర్తి స్థాయిలో థియేటర్లను రన్‌ చేసేలా ప్రయత్నాలు చేస్తున్నట్లుగా సమాచారం అందుతోంది. అందుకే ఆగస్టులో వరుసగా సినిమాలను విడుదల చేసేందుకు మేకర్స్ సిద్దం అవుతున్నారు. గత ఏడాది నుండి వాయిదా పడుతూ వస్తున్న సినిమాలకు మొదట అవకాశం ఇవ్వాలని భావిస్తున్నారట. అందువల్ల ఆగస్టు మొదటి వారంలోనే నాగచైతన్య హీరోగా రూపొందిన లవ్‌ స్టోరీ సినిమా విడుదలకు సిద్దం అవుతోంది.

ఆగస్టు 7వ తారీకున నాగ చైతన్య లవ్‌ స్టోరీ సినిమాను విడుదల చేసేందుకు ఏర్పాట్లు జరుగుతున్నాయి. ఇక ఆగస్టు 13వ తారీకున అఖిల్‌ మోస్ట్‌ ఎలిజబుల్‌ బ్యాచిలర్ ను విడుదల చేసేందుకు గాను ప్లాన్‌ చేస్తున్నారట. ఇప్పటికే షూటింగ్‌ ముగించిన మోస్ట్‌ ఎలిజబుల్‌ బ్యాచిలర్‌ సినిమా ను గత ఏడాది లో విడుదల చేయాల్సి ఉన్నా కూడా కరోనా కారణంగా వాయిదా వేస్తూ వచ్చారు. ఎట్టకేలకు సినిమా ను బాక్సాఫీస్ వద్ద కు తీసుకు వచ్చేలా ప్లాన్‌ చేస్తున్నారట. విశ్వసనీయంగా అందుతున్న సమాచారం ప్రకారం మేకర్స్ ఒకటి రెండు రోజుల్లో ఆ డేట్ ను లాక్‌ చేసే అవకాశం ఉందట.

వారం గ్యాప్‌ లో అక్కినేని బ్రదర్స్ సినిమాలు రాబోతున్న నేపథ్యంలో ఫ్యాన్స్ కాస్త టెన్షన్‌ గా ఉన్నట్లుగా అనిపిస్తుంది. ఎందుకంటే మొదటి రెండు వారాల పాటు అయినా మంచి వసూళ్లు నమోదు అయితేనే బ్రేక్‌ ఈవెన్‌ సాధ్యం అవుతుంది. అలాంటిది రెండు సినిమాలు వారం గ్యాప్‌ లోనే రాబోతున్న నేపథ్యంలో ఏం జరుగుతుందా అంటూ అంతా ఆసక్తిగా ఎదురు చూస్తున్నారు. ఇద్దరి కెరీర్‌ లో కూడా ఈ సినిమా లు రెండు చాలా కీలకమైనవి. రెండు సినిమాలకు కూడా భారీ బజ్‌ ఉంది. ముఖ్యంగా చైతూ లవ్‌ స్టోరీ సినిమా కు శేఖర్‌ కమ్ముల దర్శకత్వం వహించడం మరియు సాయి పల్లవి హీరోయిన్‌ గా నటించడం వల్ల అంచనాలు భారీగా ఉన్నాయి. ఇక మోస్ట్‌ ఎలిజబుల్‌ బ్యాచిలర్‌ సినిమా కు పూజా హెగ్డే హీరోయిన్‌ అవ్వడం వల్ల కలిసి వచ్చే అంశం అంటున్నారు.