ఫోటో స్టొరీ: చిల్ అవుతున్న చిలసౌ హీరో

అక్కినేని నాగార్జున మేనల్లుడిగా టాలీవుడ్ ఎంట్రీ ఇచ్చి దాదాపు పదేళ్ళయినా సినిమాల కౌంట్ అరడజను దాటలేదు. మొదటినుండి ఇప్పటివరకూ సుశాంత్ తో విజయం దోబూచులాడుతూనే ఉంది. సుశాంత్ లాస్ట్ సినిమా 'చిలసౌ' హిట్ కాలేదు గానీ సినిమాకు మంచి పేరు మాత్రం వచ్చింది.

ఈ సినిమాలో హనుమాన్ భక్తుడిని - సల్మాన్ ఖాన్ ఫ్యాన్ ని అంటూ సుశాంత్ చేసిన అల్లరి ప్రేక్షకులను బాగానే ఆకట్టుకుంది. మరి నిజంగా సల్మాన్ ఖాన్ ని ఇన్ స్పిరేషన్ గా తీసుకున్నాడో ఏమో గానీ షర్టు తీసేసి పోజిచ్చాడు. సుశాంత్ రీసెంట్ గా గోవా కు వెకేషన్ కు వెళ్ళాడు. వెళ్ళే సమయంలోనే గోవాకు వెళ్తున్నా అంటూ ఇన్ స్టాగ్రామ్ లో ఫ్లైట్ లో కూర్చున్న ఫోటో పోస్ట్ చేసి మరీ ఇన్ ఫర్మేషన్ ఇచ్చాడు. గోవా అంటే ఇక ఫుల్ గా చిల్ అవుట్ కావడమే కదా. అక్కడ బేర్ బాడీతో కళాత్మకంగా ఒక ఫోటోకి పోజిచ్చి దాన్ని మళ్ళీ ఇన్ స్టాగ్రామ్ లో షేర్ చేశాడు.

ఇక ఫాలోయర్స్ ఊరుకుంటారా? ఒక ఫాలోయరేమో "అన్నా గర్ల్ ఫ్రెండ్ ఎక్కడ?" అని అడిగితే మరొకరు "మై బాస్ కింగ్ లా ఉన్నారు సర్' అంటూ మేనమామ నాగార్జున తో పోల్చారు. ఇంతకీ ఈ ఫోటో సుశాంత్ ఎందుకు పెట్టినట్టు? నెక్స్ట్ సినిమాలో సిక్స్ ప్యాక్ లుక్ కి ఇప్పుడు చిన్న శాంపుల్ వదిలాడా?