కమల్ కూతురు అసలు తగ్గట్లేదు

విశ్వనటుడు కమల్ హాసన్ కు ఇద్దరు కూతుళ్లు అనే సంగతి తెలిసిందే. ఇప్పటికే శృతి హాసన్ ఇండియా వైడ్ గా ఇరగదీసేస్తోంది. సౌత్ తో పాటు నార్త్ లోనూ సత్తా చాటేస్తూ.. అన్ని భాషల్లోనూ దూసుకుపోతోంది. కమల్ చిన్న కూతురు- శృతి చెల్లి అక్షర హాసన్ కూడా ఇప్పటికే అరంగేట్రం చేసింది కానీ ఇంకా కుదురుకోలేదు.

షమితాబ్ అంటూ బాలీవుడ్ మూవీతో అరంగేట్రం చేసేసిన అక్షర హాసన్.. ఆ మూవీతో చెప్పుకోదగ్గ గుర్తింపునే సంపాదించింది. అయితే.. ఇది తమిళ్ స్టార్ ధనుష్ సినిమానే కావడంతో నటిగా గుర్తింపు వచ్చినా వేరే ఆఫర్లు మాత్రం రాలేదు. వచ్చిన వాటిని ఈమె ఒప్పుకోలేదు. అలాగని బాలీవుడ్ పై హోప్స్ ను వదిలేసేంతటి కేరక్టర్ కాదు. రీసెంట్ గా జరిగిన ఫిలింఫేర్ గ్లామర్ అండ్ స్టైల్ అవార్డులకు అమ్మడు అటెండ్ అయిన గెటప్ చూడాలీ.. నాభి అందాల షోకుల ప్రదర్శనలో అక్కను మించిపోతున్నట్లే కనిపిస్తోంది. కాసింత నడుం చుట్టుకొలత ఎక్కువగా ఉంది కానీ.. అది కూడా లెక్క తగ్గించిందంటే.. ఇక బాలీవుడ్ లెక్కల్లోకి చేరిపోవడంలో పెద్ద కష్టమేం అనిపించడం లేదు.

ప్రస్తుతం రెండు సినిమాలు చేస్తున్న అక్షర హాసన్.. అవి రెండూ తమిళ్ మూవీసే. మరో వైపు తండ్రి సినిమా శభాష్ నాయుడుకు అసిస్టెంట్ డైరెక్టర్ గా చేస్తూ.. అనుభవం కూడా సంపాదించేస్తోంది. ఇక బాలీవుడ్ ఆఫర్స్ కూడా పట్టేసిందంటే.. అక్క శృతి హాసన్ కి టఫ్ కాంపిటీషన్ ఇచ్చేయడం ఖాయమే.

Like Us on Facebook : https://www.facebook.com/Tupakidotcom/