హీరోయిన్ గా ఎంట్రీ ఇస్తోంది

విశ్వనటుడిగా ప్రపంచం మొత్తం గుర్తించిన యాక్టర్ కమల్ హాసన్. ఇప్పటికే ఈయన నట వారసురాలిగా ఇండస్ట్రీలో హల్ చేస్తోంది పెద్ద కూతురు శృతి హాసన్. మరో కూతురు అక్షర హాసన్ కూడా ఆల్రెడీ ఫిలిం ఎంట్రీ ఇచ్చింది కానీ.. దక్షిణాదిలో మాత్రం మెరవలేదు.

అమితాబ్ బచ్చన్.. ధనుష్ నటించిన షమితాబ్ మూవీలో నటించిన అక్షర.. ఆ తర్వాత యాక్టింగ్ కి బ్రేక్ వేసింది. ప్రస్తుతం సెట్స్ పై ఉన్న అజిత్ మూవీ వివేగం లో కీలక పాత్రలో నటిస్తున్న ఈ కుర్ర భామ.. ఇప్పుడు ఓ సౌత్ సినిమాలో హీరోయిన్ గా నటించేందుకు సైన్ చేసింది. కమల్ హాసన్.. శృతి హాసన్ నటిస్తున్న శభాష్ నాయుడు చిత్రానికి టెక్నికల్ టీంలో వర్క్ చేస్తున్న అక్షర.. ఆ మూవీ షూటింగ్ కి బ్రేక్ పడ్డంతో.. యాక్టింగ్ పైకి మనసు మళ్లించింది. కమల్ కూతురు సైన్ చేసిందని తెలియగానే.. ఈ ప్రాజెక్టుపై అందరిలోనూ ఆసక్తి జనరేట్ అయింది. ఓ కన్నడ మూవీతో దక్షిణాదిలో హీరోయిన్ గా ఎంట్రీ ఇస్తోంది అక్షర హాసన్.

కన్నడ నటుడు రవిచంద్రన్ కుమారుడు విక్రమ్ చంద్రన్ హీరోగా నటిస్తోన్న సినిమాలో.. హీరోయిన్ గా నటించనుంది అక్షర. ఈ కన్నడ సినిమాలో లీడ్ హీరోయిన్ రోల్ లో కనిపించనుంది ఈ యంగ్ బ్యూటీ. గతంలో పలు బాలీవుడ్ చిత్రాలకు సహాయ దర్శకత్వం వహించిన అనుభవం కూడా ఉండడం.. ఈ భామకు యాక్టింగ్ పై పట్టు పెరగడానికి కలిసొచ్చే విషయం. తండ్రి వారసత్వం.. అక్క అనుభవాలు.. తన దూకుడు.. అన్నీ కలిపిన అక్షర హాసన్ ను ఆన్ స్క్రీన్ పై చూసేందుకు జనాలు బాగానే వెయిట్ చేస్తున్నారు.