ఈసారి సీరియస్ గా ట్రై చేస్తుందా?

చాలామంది నెపోటిజం అంటూ స్టార్ కిడ్స్ ను ఆడిపోసుకుంటారు కానీ ఫ్యామిలీ బ్యాక్ గ్రౌండ్ ఉండి కూడా సక్సెస్ సాధించలేక తంటాలు పడుతున్న వారు.. ఒకటీ అరాప్రయత్నాల తర్వాత సినిమాలను వదిలేసిన వారి లిస్టు రాస్తే అదొక పాత కాలం టెలిఫోన్ డైరెక్టరీ అంత పెద్ద పుస్తకం అవుతుంది. అయితే కొంతమంది మాత్రం ఓటమిని ఒప్పుకోకుండా విజయం కోసం ప్రయత్నిస్తూనే ఉంటారు. కమల్ హాసన్ చిన్న కూతురు అక్షర ఇప్పుడు అదే రూట్ లో ఉన్నట్టుగా ఉంది.

బాలీవుడ్ ఫిలిం 'షమితాబ్' తో ఎంట్రీ ఇచ్చిన అక్షరకు ఎందుకో పెద్దగా క్రేజ్ రాలేదు. డెబ్యూ సినిమా తర్వాత రెండు మూడు సినిమాల్లో నటించినా సక్సెస్ మాత్రం అందని ద్రాక్షే అయింది. అసలు సినిమాల కంటే మధ్యలో పర్సనల్ ఫోటోలు లీకయిన వ్యవహారంలో అక్షర పేరు ఎక్కువగా పాపులర్ కావడం గమనార్హం. ఇదిలా ఉంటే ఈమధ్య అక్షర ఒక బ్రాండ్ కు బ్రాండ్ అంబాజిడర్ గా ఎంపికయింది. కాలిమార్క్ జిప్జీ అనేది బ్రాండ్. ఈ సందర్భంగా ఇన్స్టాగ్రామ్ ఖాతా ద్వారా ఎంతో ఉత్సాహంగా ఆ విషయం తెలుపుతూ తన ఫోటోలు పోస్ట్ చేసింది. ఈ ఫోటోలలో ఎంతో అందంగా ఉంది. పింక్ కలర్ డ్రస్ లో అందాలబొమ్మలాగా మెరిసిపోతూ ఉంది.

ఈ వాలకం చూస్తుంటే మళ్ళీ సినిమాలపై ఫోకస్ చేయడానికి నిర్ణయించుకున్నట్టే అనిపిస్తోంది. ఒకవైపు అక్క శృతి హాసన్ లండన్ నుంచి తిరిగి వచ్చి సినిమాలపై ఫోకస్ చేసింది. ఇటు చెల్లి అక్షర కూడా అదే బాటలో హీరోయిన్ గా సత్తా చాటాలని ఫిక్స్ అయినట్టు ఉందనే టాక్ వినిపిస్తోంది. మరి ఏం జరుగుతుందో చూడాలి.