తెలుగమ్మాయి భలే ఆఫర్‌ పట్టిందే

చూడటానికి ఉత్తరాది అమ్మాయిలా కనిపించే తెలుగు ముద్దుగుమ్మ శోభిత దూళిపాళ టాలీవుడ్‌ లో 'గూఢాచారి' చిత్రంతో ఎంట్రీ ఇచ్చింది. ఆ చిత్రంలో శోభితకు మంచి పాత్ర దక్కడంతో నటిగానే కాకుండా అందంతో కూడా మెప్పించింది. తెలుగులో ఈమెకు మరిన్ని ఛాన్స్‌ లు వస్తాయని ఆశించారు. అయితే ఎప్పటిలాగే టాలీవుడ్‌ ఫిల్మ్‌ మేకర్స్‌ తెలుగు అమ్మాయి అంటూ శోభితను ఎక్కువగా ఆధరించలేదు. అయినా కూడా తన ట్యాలెంట్‌ తో శోభిత నెట్‌ ప్లిక్స్‌ తో ఒప్పందం కుదుర్చుకుని పలు వెబ్‌ సిరీస్‌ ల్లో నటించింది.

శోభితకు తాజాగా మరో బంపర్‌ ఆఫర్‌ దక్కింది. బాలీవుడ్‌ స్టార్‌ హీరో అక్షయ్‌ కుమార్‌ తో నటించబోతుంది. లారెన్స్‌ 'కాంచన 2' చిత్రాన్ని హిందీలో రీమేక్‌ చేయాలని చాలా రోజులుగా భావిస్తున్నాడు. ఇప్పటికి అది కార్య రూపం దాల్చబోతుంది. రీమేక్‌ లో నటించేందుకు అక్షయ్‌ కుమార్‌ గ్రీన్‌ సిగ్నల్‌ ఇచ్చాడు. ఆ సినిమాలో నటించే అవకాశంను శోభితకు లారెన్స్‌ ఇచ్చాడు. ప్రస్తుతం బాలీవుడ్‌ లో హర్రర్‌ సినిమాల ట్రెండ్‌ నడుస్తున్న నేపథ్యంలో కాస్త మార్పులు చేర్పులతో 'కాంచన 2'ను అక్కడ రీమేక్‌ చేసి సక్సెస్‌ కొట్టాలనే ప్రయత్నంలో లారెన్స్‌ ఉన్నాడు.

అక్షయ్‌ కుమార్‌ వంటి స్టార్‌ హీరోతో ఈ రీమేక్‌ రూపొందబోతున్న నేపథ్యంలో అప్పుడే బాలీవుడ్‌ మీడియా అటెన్షన్‌ ను లారెన్స్‌ దక్కించుకున్నాడు. భారీ అంచనాల నడుమ రూపొందబోతున్న మూవీలో తెలుగమ్మాయి శోభిత నటించబోతుండటం చాలా గొప్ప విశేషంగా చెప్పుకోవాలి. శోభిత ఈ చిత్రంతో బాలీవుడ్‌ లో సెటిల్‌ అవ్వనుందేమో చూడాలి.