మళ్లీ సినిమాల్లోకి వచ్చేసిన ట్వింకిల్

ఒకప్పుడు బాలీవుడ్ హీరోయిన్ గా వెలిగిపోయింది ట్వింకిల్ ఖన్నా. శీను మూవీలో వెంకటేష్ సరసన నటించిన తెలుగు ప్రేక్షకులకు కూడా దగ్గరైంది. బాలీవుడ్ ఖిలాడి అక్షయ్ కుమార్ ను పెళ్లి చేసుకుని సెటిల్ అయిపోయింది ట్వింకిల్. ప్రస్తుతం ట్వింకిల్ రైటర్ గా బోలెడంత ఫేమస్ అయిపోయింది. హీరోయిన్ కంటే కూడా ఎక్కువగా క్రేజ్ సంపాదించేసింది. మరోవైపు ఓ అరడజన్ సినిమాలకు సహనిర్మాతగా వ్యవహరించింది.

తాజాగా ట్వింకిల్ చేసిన ఓ ట్వీట్.. మళ్లీ ఈమె సినిమాల్లోకి వచ్చేస్తోందా అనిపించేసింది. తన భార్య చేయి పట్టుకుని నడుస్తున్న ఫోటోను పోస్ట్ చేసిన అక్షయ్.. సెట్స్ లో ఇద్దరం కలిసి కొత్త ప్రయాణం చేస్తున్నామని కామెంట్ చేశాడు. దీనికి.. "ఇలా ప్రారంభమైంది.. పాడ్ మ్యాన్" అంటూ కామెంట్ చేసింది. ఇదే కొంత కన్ఫ్యూజన్ కు గురి చేసింది. దేశంలోని పేద మహిళలకు అతి తక్కువ ధరకే శానిటరీ నాప్కిన్స్ అందించేందుకు.. తాను తయారు చేసిన ప్యాడ్స్ ను తానే ధరించిన వ్యక్తి అరుణాచలం మురుగనాథన్. ఈయన లైఫ్ స్టోరీపై బయోపిక్ తీస్తూ.. తనే పూర్తి స్థాయి నిర్మాతగా మారిపోయింది ట్వింకిల్.

ఈ బయోపిక్ తీసేందుకు మురుగనాథన్ ను ఒప్పించడం.. ప్యాడ్ మ్యాన్ పాత్ర చేసేందుకు భర్త అక్షయ్ ను కన్విన్స్ చేయడం లాంటివన్నీ తనే చూసుకున్న ట్వింకిల్.. ఇప్పుడు సినిమా ప్రారంభం సందర్భంగా.. అక్షయ్ తో కలిసి అడుగులు వేస్తోంది. ఓ నిర్మాతగా మాత్రమే అనే విషయాన్ని అండర్ లైన్ చేస్కోవాలి.

Like Us on Facebook : https://www.facebook.com/Tupakidotcom/