ఇల్లీ ని ప్రమాదం నుంచి కాపాడిన హీరో

హీరోలు హీరోయిన్ల కోసం తెరపై ఏదైనా చేసేస్తూ ఉంటారు. విలన్ల నుంచి కాపాడతారు.. ప్రమాదాల నుంచి కాపాడతారు.. ఏ సమస్య వచ్చినా తీర్చేస్తూ ఉంటారు. అసలు హీరోయిన్ కి సాయం చేసేందుకు హీరోలు అన్నట్లుగా కూడా చాలానే సినిమాలు సీన్లు చూసేశాం. కానీ ఆన్ స్క్రీన్ పైనే కాకుండా.. ఆఫ్ స్క్రీన్ లో కూడా ఇలియానాని కాపాడేసి రియల్ హీరో అనిపించుకున్నాడు అక్షయ్ కుమార్.

ప్రస్తుతం అక్షయ్ - ఇలియానాలు కలిసి రుస్తొం మూవీలో నటిస్తున్నారు. ఇందులో భర్త అక్షయ్ ను మోసం చేసే భార్యగా ఇలియానా నటిస్తోంది. ఇప్పుడీ సినిమా కోసం ఓ రొమాంటిక్ సాంగ్ చిత్రీకరణ జరుగుతోంది. దీనిలో భాగంగా ఇలియానా హార్స్ రైడింగ్ చేయాల్సి ఉంటుంది. షూటింగ్ జరుగుతున్న సమయంలో హఠాత్తుగా ఇల్లీ ఎక్కున గుర్రం కంట్రోల్ తప్పి విపరీతంగా ప్రవర్తించడం మొదలుపెట్టింది. దీనితో వెంటనే అలర్ట్ అయిన అక్షయ్ కుమార్.. ఎంతో జాగ్రత్తగా ఆ గుర్రాన్ని డీల్ చేసి.. దాన్ని శాంతపరిచి నడిపించుకుంటూ సేఫ్ గా తీసుకొచ్చాడు. గుర్రంపై ఇలియానా.. పక్కనే గుర్రాన్ని పట్టుకుని జాగ్రత్తగా నడిపించుకుంటూ వస్తూ జాకీలా కనిపిస్తున్నా.. విజువల్ అదిరిపోయింది.

అనుకోకుండా దొరికిన ఈ క్లిప్పింగ్ మొత్తాన్ని జాగ్రత్తగా షూట్ చేశాడట దర్శకుడు టిన్ సురేష్ దేశాయ్. మూవీ రిలీజ్ అయ్యాక ఫైనల్ కట్ లో కూడా ఈ సీన్ ఉంటుందని తెలుస్తోంది.