పిచ్చోడిగా అక్ష‌య్ కుమార్‌

గ‌త కొన్నేళ్ల‌లో హీరోగా మంచి స్థాయిని అందుకున్నాడు అక్ష‌య్ కుమార్‌. బాలీవుడ్ లో త‌ర‌చుగా క్వాలిటీ సినిమాలు అందిస్తూ మంచి విజ‌యాలందుకుంటున్న హీరోల్లో అక్ష‌య్ కుమార్ పేరు ముందు చెప్పుకోవాలి. ఈ ఏడాది ఎయిర్ లిఫ్ట్.. రుస్తుమ్ లాంటి మంచి సినిమాలు అందించాడు అక్ష‌య్‌.

ఈ స్వాతంత్ర్య దినోత్స‌వం నాడు ‘రుస్తుమ్’ స‌క్సెస్ ను ఎంజాయ్ చేస్తున్న అక్ష‌య్.. వ‌చ్చే ఇండిపెండెన్స్ డేకు విడుద‌ల‌య్యే త‌న కొత్త సినిమాను అనౌన్స్ చేశాడు.ఆ సినిమా పేరు ‘క్రాక్‌’. నీర‌జ్ పాండే ద‌ర్శ‌కుడు. సోమవారం సోషల్ మీడియాలో అక్షయ్ క్రాక్ ఫస్ట్ లుక్ విడుదల చేశాడు. వచ్చే ఏడాది స్వాతంత్ర్య దినోత్సవానికి ఈ సినిమాను ప్రేక్షకుల ముందుకు తెచ్చేందుకు ప్లాన్ చేస్తున్నట్లు తెలిపాడు అక్ష‌య్ తో నీర‌జ్ పాండే ‘స్పెషల్ 26’.. ‘బేబీ’ లాంటి సూప‌ర్ హిట్లు తీశాడు. రుస్తుమ్ కు కూడా ర‌చ‌నా స‌హ‌కారం అందించాడు. నిర్మాత కూడా అత‌నే.

అక్షయ్‌-నీర‌జ్‌ కాంబినేష‌న్ కు మంచి క్రేజ్ ఉంది. ప‌గిలిపోయిన క‌ళ్ల‌జోడుతో ‘క్రాక్’ ఫ‌స్ట్ లుక్ పోస్ట‌ర్ఆస‌క్తిక‌రంగా అనిపిస్తోంది. ఎవ్రీ రేజ్ హ్యాజ్ ఎ స్టోరీ.. ఎవ్రీ స్టార్మ్ హ్యాజ్ ఎ రేజ్‌.. అనేది దీని క్యాప్ష‌న్. మ‌రి అక్ష‌య్ ఇందులో ఎంత పిచ్చోడిగా క‌నిపిస్తాడో.. త‌న ప్ర‌తి సినిమాలోనూ క్వాలిటీ చూపిస్తున్న నీర‌జ్ పాండే నుంచి ఈసారి ఎలాంటి సినిమా వ‌స్తుందో చూద్దాం.