ఆ హీరో అంటే ప‌డిచ‌స్తోన్న బర్రెలు

హీరోలకు ఫ్యాన్స్‌ ఉండటం సహజమే. అయితే ఈ ఫ్యాన్స్ ర‌క‌ర‌కాలుగా ఉంటారు. కొంద‌రు హీరోల‌కు యూత్‌లో ఫాలోయింగ్ ఎక్కువ‌. కొంద‌రికి మ‌హిళ‌ల్లో సూప‌ర్ ఫాలోయింగ్ ఉంటుంది. మ‌రికొంద‌రికి మాస్‌లో...ఇంకొంద‌రికి క్లాస్‌లో ఇలా ర‌క‌ర‌కాలుగా హీరోల‌కు ఫాలోవ‌ర్స్ ఉంటారు. చాలా త‌క్కువ మంది హీరోల‌కు మాత్రం అన్ని వ‌ర్గాల్లోను సూప‌ర్ ఫ్యాన్ ఫాలోయింగ్ ఉంటుంది. కానీ మీకు ఓ షాకింగ్ న్యూస్ తెలుసా.. ఓ స్టార్ హీరోకు ఏకంగా బర్రెలు (గేదెలు) భీభ‌త్స‌మైన ఫ్యాన్స్ అట‌. ఈ విష‌యాన్ని స‌ద‌రు హీరోనే స్వ‌యంగా చెప్పుకుని మురిసిపోతుండ‌డం మ‌రో విశేషం.

బాలీవుడ్ స్టార్ హీరో అక్ష‌య్‌కుమార్ ప్ర‌స్తుతం ఎక్క‌డ చూసినా ఒక‌టే హ‌డావిడి చేస్తున్నాడు. ఇందుకు కార‌ణం అక్ష‌య్ న‌టించిన రుస్తుం సినిమా ఈ శుక్ర‌వారం ప్ర‌పంచ‌వ్యాప్తంగా 2000 థియేట‌ర్ల‌లో భారీ ఎత్తున రిలీజ్ అవుతోంది. ఈ సినిమా ప్ర‌మోష‌న్ల‌లో అక్ష‌య్ బిజీబిజీగా ఉన్నాడు. ఇదిలా ఉంటే అక్ష‌య్ తాజాగా త‌న ట్విట్ట‌ర్‌లో తానంటే బర్రెలు ప‌డి చ‌స్తాయ‌ని చెప్పాడు. సాధార‌ణంగా స్టార్ హీరోల‌కు ఫ్యాన్స్ ఉంటారు. కానీ నాకు విచిత్రంగా బ‌ర్రెలు ఫ్యాన్స్ అయిపోయాయి. నేను ఎక్క‌డికి వెళ్లినా అవి కూడా నా వెంటే వ‌చ్చేస్తున్నాయ‌ని పేర్కొన్నాడు. ఇక త‌న‌పై బ‌ర్రెల ప్రేమ‌కు తాను వెల్‌కం చెపుతున్నానంటూ త‌న కారును బ‌ర్రెలు ఫాలో అవుతున్న ఫొటోను కూడా సెల్ఫీ దిగి మ‌రీ ట్విట్ట‌ర్‌లో పెట్టాడు.

ఇటీవల పాకిస్తాన్‌కు చెందిన ఓ విలేక‌రి కూడా ఓ బ‌ర్రెను ఇంట‌ర్వ్యూ చేసి సంచ‌ల‌నం రేపాడు. ఇప్పుడు అక్ష‌య్ కూడా బ‌ర్రెలు త‌న‌కు ఫ్యాన్స్ అంటూ మ‌రో సంచ‌ల‌నం రేపాడు. తాజాగా అక్ష‌య్ పోస్ట్ చేసిన సెల్ఫీలో ఆయ‌న కారు ప‌క్క‌నే ఓ బ‌ర్రె ఉండ‌గా మ‌నోడు న‌వ్వుతూ సెల్ఫీ దిగాడు. ఇక ఆ బ‌ర్రె వెన‌కే మ‌రికొన్ని బ‌ర్రెలు కూడా వ‌స్తున్నాయి. అక్ష‌య్ ఫొటో తీస్తుంటే ఆ బ‌ర్రె సైతం ఆస‌క్తిగా చూస్తుండ‌డం మ‌రో విశేషం.

ఈ ఫొటో చూసిన నెటిజ‌న్లు ఈ బ‌ర్రె నిజంగానే అక్కీ ఫ్యాన్ అయి ఉంటుంద‌ని జోకులు పేలుస్తున్నారు. ఇక శుక్ర‌వారం భారీ అంచ‌నాల మ‌ధ్య రిలీజ్ అవుతున్న అక్కీ లేటెస్ట్ మూవీ రుస్తుం సినిమా గురించి మ‌నోడు త‌న సోష‌ల్ మీడియాలో బోలెడు క‌బుర్లు చెపుతున్నాడు.