ఫస్ట్ లుక్: 'రామ్ సేతు'లో పురావస్తు శాస్త్రవేత్తగా అక్షయ్..!

బాలీవుడ్ స్టార్ హీరో అక్షయ్ కుమార్ నటిస్తున్న తాజా చిత్రం ''రామ్ సేతు''. 'పరమాణు' ఫేమ్ అభిషేక్‌ శర్మ ఈ చిత్రానికి దర్శకత్వం వహిస్తున్నారు. చంద్ర ప్రకాష్ ద్వివేది సమర్పణలో కేప్ ఆఫ్ గుడ్ ఫిల్మ్స్ - అబండంటియా ఎంటర్టైన్మెంట్ - లైకా ప్రొడక్షన్స్ సంస్థలు కలిసి భారీ బడ్జెట్ తో ఈ చిత్రాన్ని నిర్మిస్తున్నారు. ప్రముఖ డిజిటల్ ఫ్లాట్ ఫార్మ్ అమెజాన్ ప్రైమ్ వీడియో కూడా ఈ సినిమా నిర్మాణంలో భాగస్వామిగా చేరుతున్నట్లు ఇటీవలే ప్రకటించింది. మార్చి 18న అయోధ్య రామ జన్మభూమిలో ఈ సినిమా షూటింగ్ పూజా కార్యక్రమాలతో లాంఛనంగా ప్రారంభమైంది. ఈ నేపథ్యంలో తాజాగా 'రామ్ సేతు' నుంచి అక్షయ్ కుమార్ ఫస్ట్ లుక్ ను మేకర్స్ విడుదల చేశారు.

'రామ్ సేతు' సినిమాలో అక్షయ్‌ కుమార్‌ పురావస్తు శాస్త్రవేత్తగా కనిపించనున్నారు. ఫస్ట్ లుక్ పోస్టర్ లో అక్షయ్ కూల్ గ్లాసెస్ ధరించి మెడలో స్కార్ఫ్ కట్టుకొని లాంగ్ ఫ్రీ హెయిర్ తో స్టైలిష్ గా కనిపిస్తున్నాడు. కాగా, భారతదేశం - శ్రీలంకలను కలిపే రామ సేతు వంతెన నేపథ్యంలో భారతీయ సంస్కృతి మరియు చారిత్రిక వారసత్వ మూలాల ఆధారంగా యాక్షన్ అడ్వెంచర్ డ్రామాగా 'రామ్ సేతు' సినిమా తెరకెక్కనుంది. ఇందులో జాక్వలైన్‌ ఫెర్నాండెజ్‌ - నుష్రాత్‌ భరుచ్ఛా హీరోయిన్లుగా నటిస్తున్నారు. ఇటీవలే 'అతరంగీరే’ సినిమా షూటింగ్ కంప్లీట్ చేసిన అక్షయ్.. ఈ రోజు ‘రామ్ సేతు’ సినిమా షూటింగ్‌ లో పాల్గొన్నట్లు ట్విట్టర్‌ వేదికగా వెల్లడించాడు.