కింగ్ సుహెల్దేవ్ సింహాసనం వీడిన అక్షయ్ కుమార్..

బాలీవుడ్ లో ఇప్పుడు మోస్ట్ వాంటెడ్ హీరో ‘అక్షయ్ కుమార్’. శరవేగంగా సినిమాలు తీసే హీరోల్లో అక్షయ్ కుమార్ ముందు వరసలో ఉంటాడు. ఒక‌వైపు సందేశాత్మక సినిమాల్లో న‌టిస్తూనే.. మ‌రోవైపు త‌న ట్రేడ్ మార్క్ కామెడీల్లో న‌టిస్తూ బాక్సాఫీస్ ను షేక్ చేస్తున్నాడు. అయితే.. లేటెస్ట్ గా ఓ చిత్రం నుంచి తప్పుకున్నాడట అక్షయ్.

కొన్ని రోజుల క్రితం లెజెండరీ వారియర్ కింగ్ సుహెల్దేవ్ పాత్రలో.. ఈ బాలీవుడ్ సూపర్ స్టార్ నటించబోతున్నాడనే వార్తలు వచ్చిన విషయం తెలిసిందే. అది కూడా.. అక్షయ్ సన్నిహితుడు అశ్విన్ ఈ సినిమా రూపొందించబోతున్నారని, ఇందుకోసం సుహెల్దేవ్ రాజుపై ‘అమిష్ త్రిపాఠి’ రాసిన పుస్తకం హక్కులను కూడా అశ్విన్ పొందాడని ప్రచారం జరిగింది. అయితే.. తాజా సమాచారం ప్రకారం అదంతా వాస్తవమే అయినప్పటికీ, ఈ సినిమాలో అక్షయ్ నటించట్లేదని తెలుస్తోంది.

అక్షయ్ మూవీ క్యాలెండర్ ఖాలీ లేకపోవడమే ఇందుకు కారణమని తెలుస్తోంది. ప్రస్తుతం అక్షయ్ చేతిలో చాలా సినిమాలు ఉండడంతో.. కింగ్ సుహెల్దేవ్ మూవీకి డేట్స్ కేటాయించలేకపోతున్నాడట ఈ బాలీవుడ్ స్టార్. ఈ రీజన్ వల్లే తన సన్నిహితుని సినిమా చేయలేకపోతున్నాడని టాక్. అక్షయ్ ఈ ప్రాజెక్టు నుంచి వైదొలగడంతో.. మరో హీరోను వెతికే పనిలో పడ్డాడట అశ్విన్.

ప్రస్తుతం.. అక్షయ్ కుమార్ ఒకటీ రెండు కాదు.. ఏకంగా ఐదు ప్రాజెక్టులతో బిజీగా ఉన్నాడు. ఈ సినిమాలను వచ్చే 2021, 2022లలో విడుదల చేయాలని లక్ష్యంగా పెట్టుకున్నాాడట. ఇప్పుడు అక్షయ్ కిట్ లో.. బెల్ బాటమ్, పృథ్వీరాజ్, అట్రాంగి రే, బచ్చన్ పాండే, ఇంకా ‘రామ్ సేతు’ సినిమాలున్నాయి. ఈ ఐదు చిత్రాలను శరవేగంగా పూర్తిచేసి, వచ్చే రెండేళ్లలో రిలీజ్ చేయాలని చూస్తున్నాాడట. ఇంత బిజీ షెడ్యూల్ ఉండడంతో అశ్విన్ సినిమాకు కాల్ షీట్లు ఇవ్వడం కుదరలేదని టాక్.

కాగా.. ఇటీవల ఓటీటీలో రిలీజైన ‘లక్ష్మీ’ పెద్దగా ఆకట్టుకోకపోవడంతో థియేటర్లోకి రాబోయే తన కమ్ బ్యాక్ మూవీ బ్లాక్ బస్టర్ కావాలనే పట్టుదలతో ఉన్నాడు అక్షయ్. సౌత్ లో సూపర్ హిట్ అయిన ‘కాంచన’ చిత్రాన్ని దర్శకుడు లారెన్స్.. అక్షయ్ కుమార్ తో బాలీవుడ్ లో ‘లక్ష్మీ’ పేరుతో రీమేక్ చేసిన విషయం తెలిసిందే. డిస్నీ హాట్ స్టార్ లో రీలీజైన్ ఈ మూవీ నార్త్ ఆడియన్స్ ను పెద్దగా అలరించలేకపోయింది.