ప్రైవేట్ జెట్‌ కొన్న వార్తలపై దుమ్మెత్తి పోసిన స్టార్ హీరో

నిప్పు లేకున్నా పొగ వచ్చేలా చేయగల సమర్థులు మీడియాలో ఉన్నారు. ఉన్నది లేనిది కల్పించి మరీ ప్రముఖులను బట్టలు ఊడదీసి బరివాత(నగ్నంగా) నిలబెట్టే రోజులు ఇవీ.. ఇలాంటి టైంలో సోషల్ మీడియా వచ్చాక మరింత విచ్చలవిడితనం వచ్చేసింది. ఏవి నిజాలో.. ఏవి కావో తెలియని పరిస్థితి..

దేశంలోనే బాలీవుడ్ అగ్రహీరోగా వెలుగొందుతున్న హీరో అక్షయ్ కుమార్ పై కూడా ఓ వార్త అందరినీ ఆశ్చర్యపరిచింది. అక్షయ్ కుమార్ దేశంలోనే టాప్ స్టార్. అక్షయ్ చేసినన్ని సినిమాలు మరే ఇతర నటుడికీ లేవు. ఇది అతన్ని దేశంలోనే అత్యధిక పారితోషికం తీసుకునే నటునిగా చేసింది. తాజాగా జరుగుతున్న ప్రచారం ప్రకారం, అక్షయ్ ఒక చిత్రానికి 100 కోట్లకు పైగా వసూలు చేస్తున్నాడని సమాచారం.

ఈ క్రమంలోనే తన ప్రయాణానికి అనువుగా 250 కోట్ల విలువైన ప్రైవేట్ జెట్ విమానాన్ని అక్షయ్ కుమార్ కొనుగోలు చేసినట్లు గత కొద్ది రోజులుగా వార్తలు వస్తున్నాయి. ఈ వార్త సోషల్ మీడియా అంతటా వైరల్ అయ్యింది. అక్షయ్‌ను ఇదే విషయంపై నెటిజన్లు ప్రశ్నించారు.

దీంతో సోషల్ మీడియాలోకి వెళ్లి అక్షయ్ ట్వీట్ చేసాడు, "అబద్ధాలకోరు, అబద్ధాలకోరు... కొంతమంది వ్యక్తులు స్పష్టంగా ఎదగలేరు.ఎదిగేవారిని చూసి ఓర్వలేరు. నేను వారిని దాని నుండి తప్పించుకునే మూడ్‌లో లేను. నా గురించి నిరాధారమైన అబద్ధాలు రాయకండి. నేను ఎలాంటి ప్రైవేట్ జెట్ విమానం కోట్లు పెట్టి కొనలేదు. అదంతా ఫేక్ న్యూస్.." అంటూ వివరణ ఇచ్చాడు.

ఈ ఏడాది అక్షయ్ కుమార్ 'బచ్ పన్ పాండే', సామ్రాట్ ఫృథ్వీరాజ్, రక్షా బంధన్, కట్ పత్లీ తో సందడి చేశారు. త్వరలోనే 'రామ్ సేతు' సినిమాలో నటిస్తున్నారు. ఇందులో మన తెలుగు హీరో సత్యదేవ్ కీలకపాత్రలో నటిస్తున్నారు. జాక్వెలిన్ ఫెర్నండేజ్, నుస్రత్ బరూచా హీరోయిన్లుగా చేస్తున్నారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.