రజనీ పక్కన చేసినందుకు 40 కోట్లా??

మామూలుగా సూపర్ స్టార్ రజనీకాంత్ సినిమాలో ఒక్క ఛాన్స్ వస్తుందంటే.. పెద్ద పెద్ద హీరోలు కూడా ఫ్రీగా నటించేయడానికి రెడీగా ఉంటారు. కాకపోతే ఒక ప్రక్కనే రజనీయే కోట్లు కోట్లు రెమ్యూనరేషన్ తీసుకుంటున్నప్పుడు.. ఖచ్చితంగా ఉచితంగా నటించాల్సిన అవసరం మాత్రం ఉండదు. అయితే ఇప్పుడు ఒక బాలీవుడ్ సూపర్ స్టార్ కోసం ఏకంగా 40 కోట్లు ఖర్చుపెట్టారంటే మాత్రం కాస్త ఆశ్చర్యంగా ఉంది.

బాలీవుడ్ స్టార్ హీరో అక్షయ్ కుమార్.. రజనీకాంత్ ''2.0'' సినిమాలో విలన్ గా నటిస్తున్నాడు. ఒక క్రో-మ్యాన్ (కాకి మనిషి) పాత్రలో ఆయన మెరువనున్నాడు. అయితే ఈ సినిమా చేసినందుకు 20 రోజుల డేట్లు ఇచ్చి.. ఏకంగా 40 కోట్లు బాదేశాడు గురుడు అంటూ వార్తలొస్తున్నాయి. అంటూ రోజుకు 2 కోట్లు ఇచ్చేశారనమాట. నిజానికి సల్మాన్ ఖాన్ వంటి స్టార్లు ఒక పూర్తి స్థాయి సినిమాకే 50 కోట్లు తీసుకుంటున్నాడు. అక్షయ్ అండ్ షారూఖ్‌.. 30 కోట్లు అడుగుతున్నారు. కాని ఒక చిన్నపాటి విలన్ క్యారక్టర్ కు మనోడు 40 కోట్లు అడిగుంటాడా? అసలు శంకర్ అండ్ కో అక్షయ్ కు అంతిచ్చేసి ఉంటారా? చూస్తుంటే ఇందులో పెద్దగా నిజంలేదనే అనిపిస్తోంది కాని.. అక్షయ్ అభిమానులు మాత్రం దీనిని గొప్పగా అభివర్ణిస్తున్నారు.

శంకర్ డైరక్షన్లో గతంలో వచ్చిన రోబో సినిమాకు సీక్వెల్ గా వస్తోంది 2.0. ఈ సినిమాలో యామీ జాక్సన్ హీరోయిన్ గా నటిస్తోంది. గత రెండేళ్లగా షూటింగ్ మరియు పోస్ట్ ప్రొడక్షన్లలో బిజీగా ఉన్న 2.0.. త్వరలోనే విడుదలవ్వనుంది.

Like Us on Facebook : https://www.facebook.com/Tupakidotcom/