రోబో విలన్ పోస్టర్‌ అదిరిందిగా!!

బాలీవుడ్ ఖిలాడీ అక్షయ్ కుమార్ ఇప్పుడు రియల్ లైఫ్ స్టోరీలకు కేరాఫ్ అడ్రస్ అయిపోతున్నాడు. రీసెంట్ గా విడుదలైన ఎయిర్ లిఫ్ట్ చిత్రానికి గాను.. స్టోరీ - టేకింగ్ - యాక్షన్ అన్ని విభాగాల్లోనూ యూనిట్ కి మంచి మార్కులు పడ్డాయి. ప్రస్తుతం రజినీకాంత్ కి విలన్ రోబో సీక్వెల్ 2.0లో నటిస్తున్న అక్షయ్.. రుస్తొం అనే మూవీని స్టార్ట్ చేశాడు.

బేబీ - ఎయిర్ లిఫ్ట్ తర్వాత దేశభక్తి సినిమాలు తీసేవాళ్లు కూడా అక్షయ్ వైపే మొగ్గు చూపుతున్నారు. రుస్తొం కూడా ఇలాంటి కాన్సెప్ట్ తో రూపొందుతున్న సినిమానే. ఇప్పుడీ మూవీ పోస్టర్ ని విడుదల చేశారు. నేవీ ఆఫీసర్ గా అక్షయ్ కనిపిస్తుండగా.. దేశాన్ని షాక్ గురిచేసిన మూడు కాల్పులు.. అనే అర్ధం వచ్చేలా ట్యాగ్ లైన్ యాడ్ చేశారు. రుస్తొంతో బాలీవుడ్ లో మరోసారి అదృష్టం పరీక్షించుకోనుంది గోవా బ్యూటీ ఇలియానా. పోస్టర్ లో ఇల్లీ బేబీ ఓల్డ్ టైప్ డిఫరెంట్ గెటప్ తో కనిపిస్తోంది.

ఎ వెడ్నెస్ డే - స్పెషల్ 26 - బేబీ వంటి చిత్రాలకు దర్శకత్వం వహించిన నీరజ్ పాండే.. రుస్తొంకు నిర్మాత. కాగా టిను సురేష్ దేశాయ్ ఈ సినిమాతో దర్శకుడిగా పరిచయం అవుతున్నాడు. ఈషా గుప్తా - శరద్ కేల్కర్ లు కీలకమైన రోల్స్ లో కనిపించనున్న రుస్తొంను.. ఆగస్ట్ 12న విడుదల చేయనున్నారు.