కావ్ కావ్ అంటున్న రోబో విలన్

సూపర్ స్టార్ రజినీ కాంత్, దర్శకుడు శంకర్ కాంబినేషన్ లో 2.0 తెరకెక్కుతోంది. రోబోకి సీక్వెల్ గా తీస్తున్న ఈ మూవీలో మెయిన్ విలన్ గా అక్షయ్ కుమార్ నటిస్తున్న విషయం తెలిసిందే. మరి బాలీవుడ్ ఖిలాడీ అక్షయ్.. రోబో2లో ఎలా కనిపంచనున్నాడన్నది ఆసక్తిగా ఉంది. ఇప్పుడీ ఇంట్రెస్ట్ ని మరింతగా పెంచేసే న్యూస్ ఒకటి ఫోటోలతో సహా లీక్ అయింది.

రోబో2లో అక్షయ్ కుమార్ ఓ సైంటిస్ట్ గా నటిస్తున్నాడు. ఈయన చేసిన ఓ క్రేజీ ఎక్స్ పెరిమెంట్ కారణంగా.. కాకిలా మారిపోతాడు. అలా కాకిలా మారిపోయాక.. సడెన్ గా ఓ ఫుట్ బాల్ మ్యాచ్ జరుగుతున్న ప్రాంతానికి ఎగురుకుంటూ వచ్చేస్తాడు. ఈ స్టేడియంలో 15-20 రోజుల పాటు షూటింగ్ చేయాల్సి ఉంటుందట. పబ్లిక్ స్టేడియంలో తీసిన సన్నివేశాలు కావడంతో.. కాకి గెటప్ లో అక్షయ్ కుమార్ ఫోటోలు బయటకొచ్చేశాయి.

ప్రస్తుతం అక్షయ్ పై సన్నివేశాలు తీస్తుండగా.. వచ్చే వారంలో రజినీకాంత్ పై సీన్స్ పిక్చరైజ్ చేయనున్నారు. మొత్తం స్టేడియం అంతా ఫుల్లు సెక్యూరిటీని ఏర్పాటు చేశారు. ఇదంతా ప్రధా సన్నివేశాలు - అక్షయ్ లుక్ లీక్ కాకుండా ఉండేందుకే అని చెబుతున్నా.. ఇప్పటికే కాకి గెటప్ లో అక్షయ్ ఉన్న ఫోటోలు సోషల్ మీడియాలో చక్కర్లు కొట్టేస్తున్నాయి.