బన్నీతో పాటు కళ్యాణ్ రామ్!

త్రివిక్రమ్ బన్నీ కాంబినేషన్ లో 'అలా వైకుంఠపురములో' సినిమా తెరకెక్కుతున్న సంగతి తెలిసిందే. ఈ సినిమాకు సంబంధించి షూటింగ్ శరవేగంగా జరుగుతుంది. సంక్రాంతికి రిలీజ్ కావడంతో త్రివిక్రమ్ స్పీడ్ స్పీడ్ గా పనులు ముగిస్తున్నాడు. ఈ సినిమాకు సంబంధించి దసరా నుండి ప్రమోషన్స్ మొదలు పెట్టనున్నారని తెలుస్తుంది. విజయదసమి కానుకగా ఓ టీజర్ వదిలి ప్రేక్షకులను విష్ చేయాలని చూస్తున్నారట. ఆ దిశగా ఇప్పటికే టీజర్ ను సిద్దం చేస్తున్నారని అంటున్నారు.

అయితే బన్నీ తో పాటే కళ్యాణ్ రామ్ కూడా 'ఎంత మంచి వాడవురా' టీజర్ తో దసరాకి రాబోతున్నాడట. టైటిల్ అనౌన్స్ మెంట్ తో ఓ థీమ్ టీజర్ వదిలిన మేకర్స్ ఇప్పుడు ఓ యాక్షన్ ఎపిసోడ్ తో టీజర్ రెడీ చేస్తున్నారట. సినిమా ఫ్యామిలీ ఎంటర్ టైనర్ అయినప్పటికీ యాక్షన్ కూడా ఉంటుందట. ఆ విషయాన్ని దసరా టీజర్ తో చెప్పబోతున్నారు. ఈ లోపు ఫస్ట్ లుక్ వదిలేసి దసరా కి టీజర్ తో సినిమా ఎలా ఉండబోతుందో క్లారిటీ ఇవ్వనున్నారు.

ప్రస్తుతానికైతే ఈ రెండు సంక్రాంతి సినిమాలకు సంబంధించి దసరా టీజర్స్ ప్లాన్ చేస్తున్నారు. ఇదే ఊపులో మహేష్ 'సరిలేరు నీకెవ్వరు' నుండి కూడా ఏదైనా సర్ ప్రైజ్ ఉంటుందా చూడాలి. ఇప్పటికే మహేష్ వాకింగ్ తో ఓ టీజర్ వదిలిన మేకర్స్ దసరాకి ఓ యాక్షన్ ఎపిసోడ్ తో టీజర్ వదిలితే సినిమాపై ఓ రేంజ్ లో హైప్ వచ్చే చాన్స్ ఉంది.