మ‌హేష్ వ‌ర్సెస్ బ‌న్ని.. ఇదే ప్రూఫ్!

సంక్రాంతి బ‌రిలో మ‌హేష్ - బ‌న్ని మ‌ధ్య బిగ్ ఫైట్ ఖ‌రారైంది. ఒకే రిలీజ్ డేట్ ని లాక్ చేసిన‌ప్పుడే ఆ సందేహం క‌లిగింది. ఇక పండ‌గ‌లు ప‌బ్బాలు వస్తున్నాయి అంటే ఆ ఇద్ద‌రినీ ప‌ట్టుకోవ‌డం క‌ష్టంగానే ఉంది. వ‌రుస‌గా పోస్ట‌ర్లు .. టీజ‌ర్లు .. పాట‌లు అంటూ ఒకేటే హ‌డావుడి.

మొన్న‌టికి మొన్న ద‌స‌రా దీపావ‌ళి సంద‌ర్భంగా ఒక‌రితో ఒక‌రు పోటీప‌డుతూ పోస్ట‌ర్లు.. టీజ‌ర్లు అంటూ వార్ న‌డిపించారు. ఆ ప్రచారం ఫ్యాన్స్ లోకి దూసుకెళ్లింది. ఇప్పుడు మ‌రోసారి ఇదే త‌ర‌హా పోటీ షురూ అయ్యింది. రేపు 10 ఏఎం అదిరిపోయే అప్ డేట్ చెబుతాం అంటూ అల వైకుంఠ‌పుర‌ములో టీమ్ ప్ర‌క‌టించింది. ఈలోగానే స‌రిలేరు నీకెవ్వ‌రు టీమ్ కూడా రెడీ అయిపోయింది. లిరిక‌ల్ సాంగ్ తో ట్రీటిస్తాం.. టీజ‌ర్ల‌తో దూసుకొస్తున్నాం! అంటూ పోటీని పెంచింది ఈ టీమ్.

ఇక ఈ ప్ర‌చారంలోనే కాదు.. ద‌ర్శ‌కుల్ని క‌థ‌ల్ని లాగేసుకోవ‌డంలోనూ మ‌హేష్ - బ‌న్ని మ‌ధ్య పోటీ స్ప‌ష్టంగా క‌నిపిస్తోంది. అస‌లు మ‌హేష్ చేయాల్సిన సినిమాని ఇప్పుడు బ‌న్ని చేస్తున్నాడు. ద‌ర్శ‌కుడు సుకుమార్ వినిపించిన క‌థ‌ను మ‌హేష్ కాద‌ని అనుకుంటే దానిని లాక్ చేసి బ‌న్ని సైలెంటుగా సెట్స్ కెళ్లిపోతున్నాడు. ఎర్ర‌చంద‌నం స్మ‌గ్లింగ్ అడ‌వుల నేప‌థ్యంలో క‌థ మ‌హేష్ కి న‌చ్చ‌క‌పోయినా బ‌న్నికి న‌చ్చింది. అత‌డు కాన్ఫిడెంట్ గా ముందుకెళ్లిపోతున్నాడు.

అల వైకుంట పుర‌ములో వ‌ర్సెస్ స‌రిలేరు నీకెవ్వ‌రు! ఇదొక్క‌టే కాదు అన్నిటా ఆ ఇద్ద‌రి మ‌ధ్యా పోటీ క‌నిపిస్తూనే ఉంది మ‌రి. ఇక మెగా హీరోల‌తో మ‌హేష్ కి ప్ర‌తిసారీ ఏదో ఒక చోట ఏదో ఒక కోణంలో పోటీ క‌నిపిస్తోంది. ఈసారి సంక్రాంతికి ప్ర‌ధానంగా బ‌న్నితోనే పోటీ షురూ అయ్యింది. ప‌వ‌న్ రేసులో ఉన్న‌ప్పుడు మ‌హేష్ తో పోటీ ప‌డేవాడు. చ‌ర‌ణ్ సంక్రాంతి బ‌రిలో ఇంత‌కుముందు పోటీనిచ్చాడు. మునుముందు ఇత‌ర మెగా హీరోల‌తోనూ పోటీ ఖాయం కానుంది.