వైకుంఠపురం.. విడుదల తేదీ ఖరారు

టాలీవుడ్ సినిమాలకు ఉండే బిగ్గెస్ట్ పండగ సీజన్లలో సంక్రాంతి ఒకటి. అందుకే సంక్రాంతి సీజన్ అంటే చాలు బాక్స్ ఆఫీస్ దగ్గర భారీ పోటీ నెలకొంటుంది. ఈ సారి కూడా సంక్రాంతికి బాక్స్ ఆఫీస్ దగ్గర పోటీ భారీగానే ఉంది. ఈసారి సంక్రాంతి సినిమాలలో ప్రధానమైనవి మహేష్ బాబు 'సరిలేరు నీకెవ్వరు'.. అల్లు అర్జున్ 'అల వైకుంఠపురములో'.

అయితే పక్కాగా ఏ సినిమా ఎప్పుడు రిలీజ్ అవుతుందనే విషయంలో ఇంతవరకూ క్లారిటీ లేదు. తాజా సమాచారం ప్రకారం అల్లు అర్జున్ సినిమాకు విడుదల తేదీని ఖరారు చేశారు. జనవరి 12 వ తారీఖు.. ఆదివారం నాడు 'అల వైకుంఠపురములో' ప్రేక్షకుల ముందుకు తీసుకొస్తామని మేకర్స్ కన్ఫాం చేశారు. అయితే మహేష్ 'సరిలేరు నీకెవ్వరు' రిలీజ్ డేట్ మాత్రం ఇంకా ఫిక్స్ కాలేదు. ఈ సినిమాను జనవరి 10 న రిలీజ్ చేసే ఆలోచనలో ఉన్నారట. ఈలెక్కన మహేష్ బాబు సినిమా రిలీజ్ అయిన రెండు రోజులకు అల్లు అర్జున్ సినిమా రిలీజ్ అవుతుందన్నమాట.

త్రివిక్రమ్ శ్రీనివాస్ దర్శకత్వంలో తెరకెక్కుతున్న 'అల వైకుంఠపురములో' సినిమాపై ప్రేక్షకుల్లో భారీ అంచనాలే ఉన్నాయి. త్రివిక్రమ్ - బన్నీ కాంబోలో తెరకెక్కుతున్న హ్యాట్రిక్ ఫిలిం ఇది. ఈ సినిమాలో బన్నీ సరసన పూజా హెగ్డే హీరోయిన్ గా నటిస్తోంది. సుశాంత్.. నివేద పేతురాజ్.. నవదీప్.. టబు.. సత్యరాజ్ తదితరులు ఈ సినిమాలో కీలకపాత్రల్లో నటిస్తున్నారు. థమన్ ఈ చిత్రానికి సంగీత దర్శకుడు.