రెండ్రోజుల్లో అల వ‌సూళ్లు ఇవే

సంక్రాంతి పందెంలో మ‌హేష్ .. బ‌న్ని నువ్వా నేనా? అంటూ పోటీప‌డి ఓపెనింగులు సాధించ‌డం ఆస‌క్తిని రేకెత్తిస్తోంది. ఇత‌రుల‌తో పోలిస్తే బ‌న్ని జ‌రంత స్పీడ్ ఎక్కువే మెయింటెయిన్ చేస్తున్నాడని తాజా గ‌ణాంకాలు చెబుతున్నాయి. ఎట్ట‌కేల‌కు బన్నీ ఏడాదిన్న‌ర‌ వెయిటింగ్ ఫ‌లించింది. `నా పేరు సూర్య` చిత్రం తర్వాత ఇంత‌ గ్యాప్ తీసుకున్నా బ్లాక్ బస్టర్ ఓపెనింగుల‌తో దాన్ని మైమరపించే గిఫ్ట్ అందుకున్నాడు. అందుకే త్రివిక్ర‌మ్ కి మ‌రీ అంత స్ట్రాంగ్ హ‌గ్ ఇచ్చాడ‌ని ఇదిగో ఈ వ‌సూళ్లు చూస్తే అర్థం చేసుకోవ‌చ్చు.

అల వైకుంఠపురములో రెండు రోజుల కలెక్షన్స్ ప‌రశీలిస్తే.. నైజాం 9.20కోట్లు.. సీడెడ్ 4.7కోట్లు.. నెల్లూరు 1.62కోట్లు.. కృష్ణ 5.20కోట్లు.. గుంటూరు 4.21కోట్లు.. ఉత్త‌రాంధ్ర 8.50కోట్లు.. ఈస్ట్ 3.05కోట్లు.. వెస్ట్ గోదావరి 5.20కోట్లు.. ఆంధ్ర+తెలంగాణ 33.22కోట్లు వ‌సూల‌వ్వ‌గా రెస్టాఫ్ ఇండియా 5.10 కోట్లు ఓవ‌ర్సీస్ 8.20కోట్లు.. క‌లుపుకుని ప్ర‌పంచ‌వ్యాప్తంగా 46.52 కోట్లు వ‌సూలైంది.

ప్ర‌పంచ‌వ్యాప్తంగా దాదాపు 85కోట్ల మేర ప్రీరిలీజ్ బిజినెస్ చేసిన ఈ చిత్రం ఆ మేర‌కు షేర్ వ‌సూలు చేయాల్సి ఉండ‌గా.. ఇప్ప‌టికి స‌గం వ‌సూళ్లు ద‌క్కాయి. మ‌రో 50శాతం షేర్ రాబ‌ట్టాల్సి ఉంద‌ని అంచ‌నా వేస్తున్నారు.