స్టార్లు తగ్గిస్తే.. అల్లు హీరో పెంచుతున్నాడే

ఈ సీజన్ లో తెలుగు సినీ ప్రేక్షకులకు థ్రిల్ ఇచ్చిన అంటే శ్రీరస్తు శుభమస్తు అనే చెప్పాలి. గీతా ఆర్ట్స్ బ్యానర్ మూవీ కావడం.. ట్రైలర్ ప్రామిసింగ్ గా ఉండడంతో అంచనాలు బాగానే ఉన్నా.. రిజల్ట్ పై అనుమానాలు కూడా ఉన్నాయి. వీటన్నిటినీ తుడిచేస్తూ శ్రీరస్తు శుభమస్తు చిత్రానికి ఆడియన్స్ నుంచి ఆదరణ లభిస్తోంది.

మూవీ సక్సెస్ లో ఆలీ భాగం కావడంతో.. ఇప్పుడు శ్రీరస్తు శుభమస్తుకి.. ఎడిటింగ్ లో పోయిన అనేక సీన్స్ ని కలుపబోతున్నారు. పవర్ స్టార్ పవన్ కళ్యాణ్ మూవీ సర్దార్ గబ్బర్ సింగ్.. మహేష్ బాబు బ్రహ్మోత్సవం నుంచి రీసెంట్ గా సూపర్ స్టార్ కబాలి వరకూ.. జనాలకు బోర్ కొట్టిందంటూ చాలా సీన్స్ లేపేసి ప్రదర్శిస్తే.. శ్రీరస్తు శుభమస్తుకి మాత్రం డ్యూరేషన్ పెంచుతుండడం విశేషం. అవన్నీ అంటే ఫ్లాపులు.. ఇది హిట్ మూవీ కదా.. అందుకే హిట్ వస్తే అటు కలెక్షన్స్ తో పాటు ఇలాంటివి కూడా పెరుగుతుంటాయ్ మరి.

శ్రీరస్తు శుభమస్తు సక్సెస్ లో ప్రధాన భాగం కామెడీ అని ఒప్పుకోవాల్సిందే. ఫస్టాఫ్ లో పొట్ట చెక్కలయ్యే కామెడీ సీన్స్ కు తోడు.. సెకండాఫ్ లో ఆలీ ఎంట్రీ నుంచి కుమ్మేసి వదిలేస్తాడు. సెకండాఫ్ నెరేషన్ స్లో అవుతోందనే ఫీలింగ్ వచ్చే ప్రతీసారీ ఆలీ ఆ సీన్స్ ని ఫుల్లుగా నవ్వించేస్తాడు. అంతగా నవ్వించిన ఆలీ సీన్స్ మరిన్ని జోడిస్తున్నారట. ఇప్పటికే వీటికి సంబంధించిన డబ్బింగ్ పనులు కూడా జరుగుతున్నాయ్.