స్టేజ్ పై మళ్లీ మొదలుపెట్టేశాడు

కమెడియన్ ఆలీ స్టేజ్ పై మాట్లాడి చాలా కాలం అయింది. అప్పట్లో హీరోయిన్లపై చేసిన వ్యంగ్యం కారణంగా.. చాలానే విమర్శలను మరిన్ని తిట్లను ఫేస్ చేయాల్సి వచ్చింది. దీంతో చాలాకాలంగా స్టేజ్ మీదకు వచ్చి మాట్లాడ్డం మానేశాడు ఆలీ. రోగ్ ఆడియో ఫంక్షన్ లో మాత్రం ఆలీ మళ్లీ స్టేజ్ పైకి వచ్చి.. తన స్టైల్ కామెడీతో అలరించాడు.

పూరీ-ఆలీల మధ్య బోలెడంత అనుబంధం ఉంటుంది. పూరీ సినిమాల్లో ఆలీ కామెడీ కూడా ఆ రేంజ్ లోనే పండుతుంది. దీనికి తగినట్లుగానే రోగ్ ఆడియో ఫంక్షన్ లో ఓ పాట లాంఛింగ్ కోసం ఆలీని స్టేజ్ పైకి ఆహ్వానించారు. ఈ సారి ఆలీ హీరోయిన్ల గురించి డైరెక్టుగా ఎలాంటి కామెడీ చేయలేదు కానీ.. కొన్ని ఇన్ డైరెక్ట్ డైలాగ్స్ అయితే మాత్రం పడిపోయాయి. 'హీరోయిన్లకు బ్యాక్ పెయిన్ వచ్చిందంట ఏంటి ఇషాన్' అంటూ హీరోను నిలదీయడం నవ్వులు పూయించింది.

ఇక పూరీ పరిచయం చేసిన హీరోయిన్స్ ఓ రేంజ్ లో వెలిగిపోతారని.. అప్పట్లో పోకిరి మూవీలో హీరోయిన్ ఇలియానాను చూసి.. ముందే ఎందుకు పెళ్లి చేసుకున్నానా అనిపించిందని.. తనకే కాదు చాలామందికి అలాంటి ఫీలింగ్ కలిగిందని అంటూ నవ్వులు పూయించాడు ఆలీ. రోగ్ సినిమాలో నటిస్తున్న ఇద్దరు హీరోయిన్లను ఏ రేంజ్ అందంగా చూపించాడో కనిపిస్తోంది కాబట్టి.. వారు కూడా ఎంతో ఎత్తుకు ఎదుగుతారని ఆశిస్తున్నట్లు చెప్పాడు ఆలీ.

Like Us on Facebook : https://www.facebook.com/Tupakidotcom/