అలీ రెడీ.. ప‌వ‌న్ పిలుపేదీ?

ప‌వ‌ర్ స్టార్ ప‌వ‌న్ క‌ళ్యాణ్‌-క‌మెడియ‌న్ అలీ మ‌ధ్య‌ స్నేహబంధం గురించి చెప్పాల్సిన ప‌నిలేదు. ప‌వ‌న్ క‌ళ్యాణ్ హీరోగా ఎంట్రీ ఇచ్చిన నాటి నుంచి ఆయ‌న‌తో క‌లిసి ప్ర‌యాణం సాగించాడు. దాదాపు ప‌వ‌న్ న‌టించిన అన్ని సినిమాల్లోనూ ఆలీకి ఓ పాత్ర అంటూ ప్ర‌త్యేకంగా ఉంటుంది. ఆ కార‌ణంగా ప‌వ‌న్ కి అలా బాగా ద‌గ్గ‌ర‌య్యాడు. ఆ ఇద్ద‌రూ ఎంతో మంచి ఆద‌ర్శ‌స్నేహితులుగా మెలిగేవారు. అయితే గ‌తేడాది జ‌రిగిన అసెంబ్లీ ఎన్నిక‌ల్లో భాగంగా ఇద్ద‌రి మ‌ధ్య విబేధాలు తెలెత్తిన‌ట్లు క‌థ‌నాలు వేడెక్కించాయి. ప‌వ‌న్ కి మంచి స్నేహితుడు కాబ‌ట్టి జ‌న‌సేన పార్టీలోనే అలీ చేర‌తాడ‌ని అభిమానులు స‌హా అంతా భావించారు.

కానీ అలీ.. వైకాపాలో చేరి ప‌వ‌న్ కి పెద్ద షాక్ ఇచ్చిన సంగ‌తి తెలిసిందే. ప‌వ‌న్ క‌ళ్యాణ్ త‌న‌ని పార్టీలోకి ఆహ్వానించ‌లేదు....వైకాపా ఆహ్వానించింది.. అందుకే వెళ్లాన‌ని వివ‌ర‌ణ కూడా ఇచ్చాడు. దీంతో ప‌వ‌న్ తో ఉన్న స్నేహం పూర్తిగా తెగిపోయిన‌ట్లేన‌ని మీడియా లో ఆస‌క్తిక‌ర క‌థ‌నాలు వ‌చ్చాయి. సినిమాలు ప‌రంగాను ఇక భ‌విష్య‌త్ లో క‌లిసి న‌టించేది ఉండ‌ద‌ని క‌థ‌నాలు వ‌చ్చాయి. అయితే ప‌వ‌న్..అలీ తీరే వేరుగా ఉంది. త‌మ్ముడు త‌మ్ముడే పేకాట పేకాటే! అన్న చందాన మ‌ళ్లీ ప‌వ‌న్ తో సినిమాలు చేయ‌డానికి అలీ రెడీ అవుతున్నా డుట‌. ఇటీవ‌ల లాయ‌ర్ సాబ్ చిత్రంతో ప‌వ‌న్ రీ ఎంట్రీ ఖాయ‌మైన సంగ‌తి తెలిసిందే.

ప్ర‌స్తుతం ఈ సినిమా సెట్స్ లో ఉంది. ఇందులో నటించాల్సిందిగా ప‌వ‌న్ ఆలిని కోరాడుట‌. అందుకే ఆలీ త‌ప్ప‌కుండా న‌టిస్తాన‌ని చెప్పాడ‌ని ప్ర‌చార‌మ‌వుతోంది. ఇదే విష‌య‌మై ఓ ఇంట‌ర్వూలో అలీని ప్రశ్నించ‌గా త‌న‌ని ఎవ‌రూ ఆహ్వానించ‌లేద‌నీ... న‌టించమని అడ‌గ‌లేదనీ అన్నాడు. ఒక‌వేళ ఛాన్స్ వ‌స్తే గ‌నుక త‌ప్ప‌కుండా న‌టిస్తాన‌ని తెలిపాడు . కార‌ణాలు ఏవైనా వీళ్లిద్ద‌రు క‌లిసి న‌టిస్తే ఫ్యాన్స్ కి సంతోష‌మే. జ‌న‌సేన పార్టీలో అలీ చేర‌క‌పోయినా ఆయ‌న‌పై పెద్ద‌గా నెగిటివ్ కామెంట్ల‌ను ప‌వ‌న్ అభిమానులు చేయ‌లేదు. ప‌వ‌న్ కి మంచి స్నేహితుడిగానే భావించారు. మ‌రి ప‌వ‌న్ లాయ‌ర్ సాబ్ కి ఆహ్వానం ప‌లుకుతారేమో చూడాలి.