అలీ లీగ‌ల్‌ గా ప్రొసీడ్ అవుతున్నాడు

ఇటీవ‌లి కాలంలో సైజ్ జీరో ఆడియో వేదిక‌పై అనుష్క గురించి అలీ చేసిన కామెంట్లు పెను దుమారం రేపాయి. తొడ కొట్టాలంటే అనుష్క కొట్టాలి అనే అర్థంలో అలీ చేసిన కామెంటుని మ‌హిళా మండ‌ళ్లు బ్యాడ్ కామెంటుగా తీసుకున్నాయి. అత‌డిపై తీవ్రంగా విరుచుకుప‌డ్డాయి. అంతకంటే ముందే సమంత నడుం గురించి ఇలాగే కామెంట్‌ చేశాడు. అప్పుడు కూడా చాలామంది బూతులు తిట్టారు. బహుశా ఎన్నారై అనుకుంట.. సుంక‌ర అన్న‌పూర్ణ అనే మ‌హిళామ‌ణి అలీపై విరుచుకుప‌డుతూ.. ఓ వీడియోని ఆన్‌ లైన్‌ లో పోస్ట్ చేయ‌డం పెను సంచ‌లనం అయ్యింది. ఆ రోజు ఆడియో వేడుక‌లో అలీ కామెంట్ల‌పై నెగెటివ్‌ గా రాసిన వెబ్‌ సైట్ ల‌పై అత‌డు తీవ్రంగా స్పందించాడు.

కేవ‌లం ఎంట‌ర్‌ టైన్‌ మెంట్ కోసం ప్ర‌య‌త్నిస్తే నా విష‌యంలో ఇలా అడ్డ‌గోలుగా రాసేస్తారా? అంటూ అలీ ఇప్పుడు లీగ‌ల్‌ గా యాక్ష‌న్ తీసుకునేందుకు రెడీ అవుతున్నాడు. సుంక‌ర అన్న‌పూర్ణ విదేశాల్లో కాదు.. స్వ‌దేశం వ‌చ్చి లీగ‌ల్ గా న‌న్ను ఎదుర్కోవాలి అంటూ అటూ ఛాలెంజ్ విసిరారు. సుంక‌ర అన్న‌పూర్ణపై లీగ‌ల్‌ గా ప్రొసీడ్ అవుతున్నా. వ‌చ్చి ఇక్క‌డ కోర్లుకి స‌మాధానం చెప్పుకోమ‌నండి అంటూ అలీ సీరియ‌స్ అయ్యాడు. ఇదే విషయాన్ని ఓ ఆంగ్ల పత్రికకు తెలుపుతూ.. తను డాక్టరేట్‌ తెచ్చుకున్నాడా కొనుకున్నాడా అంటూ ఆమె కామెడీ చేసిందని.. దీనిపై ఖచ్చితంగా నేను లీగల్‌ గా ప్రొసీడ్‌ అవుతానని చెప్పుకొచ్చాడు.