తనకుతానే పంచ్ వేసుకున్న ఆలీ

కమెడియన్ ఆలీ.. ఎప్పుడూ నవ్వుతూ నవ్విస్తూ ఉంటాడు. ఆ మద్యన మనోడు హీరోయిన్లను ఫ్లాంతర్ ఫగిడీలు అనడంత.. అలాగే సమంత నడుం.. అనుష్క తొడలపై కామెంట్లు చేయడంతో.. ఆ తరువాత పెద్ద దుమారమే రేగింది. ఆ దెబ్బతో ఆలీ కూడా ఆడియో ఫంక్షన్లో మైకు అందుకోవడం మానేశాడు. అయితే గత రాత్రి ఆయన సప్తగిరి ఎక్స్ ప్రెస్ మూవీ ఆడియో లాంచ్ కార్యక్రమంలో చేసిన ఒక ఇంట్రెస్టింగ్ కామెంట్ ఇప్పుడు హాట్ టాపిక్ అయిపోయింది.

''కమెడియన్ రాజబాబు గారు సర్కార్ ఎక్స్ ప్రెస్ అనే సినిమా చేశారు. బ్లాక్ బస్టర్ అయ్యింది. ఇక ఇప్పుడు అసిస్టెంట్ డైరక్టర్ గా చేసిన సప్తగిరి.. నటుడు అయ్యి.. కమెడియన్ అయ్యి.. హీరో అయ్యాడు. ఒక కమెడియన్ సినిమా చేస్తే ఎలా ఉంటుందే అనే ఎక్సయిట్మెంట్ ఆడియన్స్ లో ఉంటుంది. నేను యమలీల సినిమాతో హీరో అయ్యాను. రెండు వారాలు ఆడుతుంటి అనుకుంటే సంవత్సరం ఆడింది. తరువాత సునీల్ కూడా అలాగే హీరో అయ్యాడు. పెద్ద సైజ్ తో వచ్చి సిక్స్ ప్యాక్ హీరో అయ్యాడు. అదే పెద్ద హీరోలు తలుచుకుంటే తనలా లావైపోగలరా??'' అంటూ ఛలోక్తులు విసిరాడు. ఇకపోతే కమెడియన్ల ఫ్యూచర్ గురించి చెబుతూ.. ''రేలంగి.. చలం.. రాజబాబు.. ఆలి.. సునీల్.. ఇప్పుడు సప్తగిరి. కాని కమెడియన్లు గుర్తుపెట్టుకోవాల్సిన విషయం ఏంటంటే.. హీరోగా యాక్ట్ చేస్తున్నప్పుడు.. ఒక లాటరీ కొన్నట్లే. హిట్టయితే చాలా ఛాన్సులు వస్తాయి. కాని తరువాత మళ్ళీ అలాగే లాటరీ కొట్టాలంటే కష్టం. కథలో విషయం ఉండాలి..'' అంటూ సలహాలు ఇచ్చాడు.

అయితే ఆలీ ఈ సెటైర్లు ఎవరైనా కమెడియన్ మీద వేశాడా అంటూ అందరూ ఈకలు పీకుతున్నారేమో కాని.. నిజానికి ఆలీ తన మీద తనే పంచ్ వేసుకున్నాడు. కొన్ని సినిమాలు ఆడేశాడక ఆలీ హీరోగా కంటిన్యూ అవ్వలేకపోయాడు. అందుకే చివర్లో ఏమన్నాడంటే.. ''సప్తగిరి నువ్వు హీరో అయినా కూడా.. కామెడీ చేస్తూ ఉండు. అదే మనకు శ్రీరామరక్ష'' అని చెప్పాడు. ఇకపోతే కమెడియన్స్ లో ఎవరు హీరో అయినా కూడా ఓకె అంటూ... ''ఒక కమెడియన్ అనేవాడు.. కామెడీ.. ట్రాజెడీ.. సెంటిమెంట్.. డ్యాన్స్.. ఫైట్స్.. అన్నీ చేయగలడు'' అన్నాడు ఆలీ.

Like Us on Facebook : https://www.facebook.com/Tupakidotcom/