షాక్‌: బేబి బంప్ తో ఆలియా పోష్ లుక్

ఆలియా భట్ న‌టించిన సినిమాలు బ్యాక్ టు బ్యాక్ రిలీజ్ కి రెడీ అవుతున్న సంగ‌తి తెలిసిందే. గంగూభాయి క‌తియావాడీ- ఆర్.ఆర్.ఆర్ త‌ర్వాత ఆలియా న‌టించిన మ‌రోప్ర‌తిష్ఠాత్మ‌క చిత్రం విడుద‌ల‌కు సిద్ధ‌మ‌వుతోంది. త‌న తదుప‌రి చిత్రం` బ్రహ్మాస్త్ర పార్ట్ వన్: శివ` ను ప్రమోట్ చేయడానికి ఏ ఒక్క అవ‌కాశాన్ని వదిలిపెట్టడం లేదు.

ఈ చిత్రానికి అయాన్ ముఖర్జీ దర్శకత్వం వహించారు. మొదటిసారి రణబీర్ కపూర్ తో కలిసి తెరపై కనిపించనుంది. ఈ ఏడాది ఏప్రిల్ లో పెళ్లి చేసుకున్న అలియా- రణబీర్ జంట‌ తమ మొదటి బిడ్డ కోసం వేచి చూస్తున్న విష‌యం తెలిసిందే. తాజా ప్ర‌చార వేదిక‌పై ఆలియా స్నాప్ లు కొన్ని సోషల్ మీడియాల్లో వైర‌ల్ గా మారాయి.

ఈ ఫోటోలలో ఆలియా తన బేబీ బంప్ ను మ‌రోసారి ప్ర‌ద‌ర్శించింది. లేత గోధుమరంగు భారీ చొక్కాకు బెల్ బాట‌మ్ త‌ర‌హా జీన్స్ ఫ్యాంట్ ని మ్యాచింగ్ గా ధ‌రించింది. అయితే ఈ ఫోటోగ్రాఫ్ లో ఆలియా బేబి బంప్ పైకి క‌నిపించ‌కుండా క‌వ‌ర‌ప్ అయ్యింది. ఆ డిజైన్ అలా మ్యాచ్ అయ్యింది.

ఈ ఫోటోకి ఆలియా చమత్కారమైన శీర్షికను జోడించింది. ఐఐటీ బాంబేలో ఆలియా తన సినిమాను ప్రమోట్ చేయనుంది. ఇదే విషయాన్ని సరదాగా చెబుతూ.. చివరకు ఐఐటీలో చేరుతున్నట్లు రాసింది.

ఆమె క్యాప్షన్ ఇలా ఉంది.. IIT బాంబే .. ఇక్కడికి మేం వచ్చాము ! ప్రమోషన్స్ కి ధన్యవాదాలు.. నేను సెప్టెంబర్ 9వ తేదీ (ఒక గంట పాటు) IITలో ప్రవేశించానని గర్వంగా చెప్పగలను`` అని ఆలియా రాసింది. భ‌ర్త‌తో క‌లిసి న‌టించిన బ్ర‌హ్మాస్త్ర విజ‌యం కోసం ఆలియా నిరంత‌రం పూజ‌లు పున‌స్కారాలు ఆచ‌రిస్తోంది. ఈ మూవీని అత్యంత ప్ర‌తిష్ఠాత్మ‌కంగా భావించి ప్ర‌మోట్ చేస్తోంది.