నిర్మాత అవతారం ఎత్తనున్న క్రేజీ హీరోయిన్

బాలీవుడ్ లో దాదాపుగా పెద్ద స్టార్లందరికీ సొంత నిర్మాణ సంస్థలున్నాయి. షారూఖ్ ఖాన్.. అమీర్ ఖాన్.. సల్మాన్ ఖాన్.. అజయ్ దేవగణ్.. చెప్పుకుంటూ పోతే నిర్మాత కాని స్టార్ హీరో ఒక్కరు కూడా లేరు. అంతే కాదు హీరోయిన్లు కూడా చాలామంది నిర్మాణ రంగంలో ఉన్నారు. జూహి చావ్లా.. పూజ భట్ లాంటి సీనియర్ హీరోయిన్లు కూడా నిర్మాతలుగా సినిమాలను నిర్మించినవారే. తాజాగా ఈ బాటలో బాలీవుడ్ స్టార్ హీరోయిన్ అలియా భట్ జాయిన్ కానుంది.

త్వరలోనే అలియా భట్ నిర్మాణ సంస్థను ప్రారంభిస్తోందట.. దానికి ఇప్పటికే ఒక పేరు కూడా ఫిక్స్ చేసిందట. ఈ విషయాన్ని అలియానే స్వయంగా వెల్లడించింది. తన ప్రొడక్షన్ హౌస్ పేరు 'ఎటర్నల్ సన్ షైన్ ప్రొడక్షన్స్'. ఎలాంటి సినిమాలను అలియా చూడడానికి ఇష్టపడుతుందో అలాంటి సినిమాలనే ఈ సంస్థలో నిర్మిస్తానని చెబుతోంది. తన అక్క పూజా భట్ ఇప్పటికే ఎన్నో విజయవంతమైన చిత్రాలను నిర్మించి సక్సెస్ ఫుల్ ప్రొడ్యూసర్ గా పేరు తెచ్చుకుంది. మరి అదే బాటలో చెల్లి కూడా విజయం సాధిస్తుందేమో వేచి చూడాలి.

ఇదిల ఉంటే అలియా ప్రస్తుతం 'బ్రహ్మాస్త్ర'.. 'కళంక్' సినిమాల్లో నటిస్తోంది. ఇక పర్సనల్ లైఫ్ లో బాలీవుడ్ కాసనోవాగా పేరుతెచ్చుకున్న రణబీర్ కపూర్ ప్రేమలో పీకల్లోతుగా మునిగిపోయి ఉందని బాలీవుడ్ మీడియా చాలా రోజుల నుండి కోడై కూస్తోంది.