జాలి అన్న‌దే లేని ఆలియా అంత ప‌ని చేసిందా?

కెరీర్ ప‌రంగా క్ష‌ణం తీరిక లేని షెడ్యూల్స్ తో ఉన్న ఫేవ‌రెట్ హీరోయిన్ ఎవ‌రు? అంటే బాలీవుడ్ లో ఆలియా పేరే సూచిస్తారు. వ‌రుస‌గా అన్నీ భారీ పాన్ ఇండియా సినిమాల‌కు సంత‌కాలు చేసిన ఈ భామ కేవ‌లం కోవిడ్ మ‌హ‌మ్మారీ వ‌ల్ల‌నే తీరిగ్గా ఉంది.

ఇటు టాలీవుడ్ మూవీ ఆర్.ఆర్.ఆర్ RRR లో ఆలియా భట్ కీలక పాత్ర పోషిస్తున్నారన్న విషయం అందరికీ తెలిసిందే. ఇప్ప‌టివ‌ర‌కూ ఆమె షూటింగు‌లో చేరలేదు. మ‌హ‌మ్మారీ లాక్ డౌన్ వ‌ల్ల ఈ మూవీ చిత్రీక‌ర‌ణ‌ అంత‌కంత‌కు ఆల‌స్య‌మ‌వుతోంది. అయితే ఇలా డిలే అయినందున ఆలియా జాలి అన్న‌దే లేకుండా ఈ మూవీ నుంచి త‌ప్పుకుంద‌ని ఇంత‌కుముందు ప్ర‌చార‌మైంది. కానీ వాస్త‌వం మాత్రం వేరే అని తాజాగా తెలుస్తోంది.

చాలా సినిమాలు సెట్స్ కెళుతున్నందున రాజ‌మౌళి షూటింగును ప్రారంభించే ఆలోచ‌న‌లో ఉన్నారు. నవంబర్ నుండి చిత్రీకరణ ప్రారంభించేందుకు ఆయ‌న రెడీ అవుతున్నారు. తాజా స‌మాచారం ప్ర‌కారం.. అలియా నవంబర్ - డిసెంబర్ రెండు నెల‌ల మొత్తాన్ని రాజమౌళి కోసం కేటాయించేసింద‌ట‌. ఆ సమయంలో త‌న‌పై సీన్స్ పూర్తి చేయాల‌ని కోరింద‌ట‌. ఇక ఎలానూ జ‌క్క‌న్నకు కూడా ఓపిక న‌శించింది కాబ‌ట్టి ఇక సెట్స్ కి వెళ్లిపోవాల‌నే నిర్ణ‌యించుకుంటున్నారు. ఆయ‌న ఎలా ప్లాన్ చేస్తున్నారు? అన్న‌ది తెలియాల్సి ఉంది. త్వ‌ర‌గా ఆర్.ఆర్.ఆర్ పూర్త‌యితే త‌దుప‌రి సినిమాల్లో న‌టించాల‌ని ఇటు తార‌క్.. చ‌ర‌ణ్ కూడా వెయిటింగ్. జ‌క్క‌న్న ప్లానింగేమిటో?