RRR బ్యూటీ కిల్లింగ్ లుక్

ఆర్.ఆర్.ఆర్ కథానాయికగా ఆలియా భట్ పేరు బాలీవుడ్ సహా సౌత్ లోనూ మార్మోగుతోంది. బాహుబలి దర్శకుడు రాజమౌళి ఏరికోరి ఈ అమ్మడినే ఎంపిక చేసుకోవడంపై ఆసక్తికర చర్చ సాగుతోంది. ఓవైపు ఆర్.ఆర్.ఆర్ గురించి.. మరోవైపు ఈ బ్యూటీ నటించిన భారీ మల్టీస్టారర్ కళాంక్ గురించి అభిమానుల్లో ఆసక్తిగా మాట్లాడుకుంటున్నారు. కళాంక్ చిత్రంలో మాధురి ధీక్షిత్ లాంటి క్లాసిక్ నాయికతో కలిసి ఆలియా నటిస్తోంది. ఇదివరకూ ఆలియా క్లాసిక్ డ్యాన్సింగ్ వీడియో ఒకటి అంతర్జాలంలో వైరల్ అయ్యింది. తాజాగా కళాంక్ ప్రమోషనల్ కార్యక్రమంలో పాల్గొన్న ఆలియా అక్కడ ఓ ప్రత్యేకమైన డిజైనర్ లుక్ లో కనిపించి మైమరిపించింది. ఇది సభ్యసాచి లుక్. ఈ స్పెషల్ లుక్ అహూతుల్లో ప్రత్యేకంగా ప్రస్థావనకు వచ్చింది. ఈ లుక్ లో ఆలియా అందం రెట్టింపైందన్న ప్రశంసలు దక్కాయి.

పసుపు .. పచ్చదనం నిండిన ప్రింటెడ్ సభ్యసాచి డిజైనర్ చీర.. దానికి కాంబినేషన్ మ్యాచింగ్స్ తో ఆలియా లుక్ మైమరిపించింది. ఆలియా కోసమే డిజైన్ చేశారా.. అన్నట్టుగా ఆ ప్రత్యేకమైన చెవి లోలాకులు, ఆభరణాలు అంతే పెర్ఫెక్ట్ అని ప్రశంసిస్తున్నారంతా. ఇక ఇదే ప్రమోషనల్ ఈవెంట్ లో అతిలోక సుందరి శ్రీదేవి నట వారసురాలు జాన్వీ కపూర్ .. ఆలియాతో కలిసి ఇచ్చిన ఫోజు ఆకట్టుకుంది. ఆ ఫోటో కూడా వెబ్ లో అంతే జోరుగా వైరల్ అవుతోంది.

కళాంక్ ఈనెల 17న ప్రపంచవ్యాప్తంగా రిలీజవుతోంది. ఇప్పటికే రిలీజైన ట్రైలర్ కి చక్కని స్పందన వచ్చింది. ఈ సినిమాతో పాటు ఆలియా బ్రహ్మాస్త్ర లాంటి భారీ మల్టీస్టారర్ లో నటిస్తున్న సంగతి తెలిసిందే. రణబీర్ కపూర్ కథానాయకుడిగా నటిస్తున్న బ్రహ్మాస్త్రలో టాలీవుడ్ స్టార్.. కింగ్ నాగార్జున ఓ కీలక పాత్ర పోషించారు. మరోవైపు ఆర్.ఆర్.ఆర్ లో రామ్ చరణ్ సరసన ఆలియా సీత పాత్రలో కనిపించనుంది. ప్రస్తుతం చరణ్ గాయాల వల్ల మూడు వారాల పాటు బ్రేక్ లో ఉన్న సంగతి తెలిసిందే. చరణ్, ఆలియా జంటపై తదుపరి కీలక సన్నివేశాల చిత్రీకరణ ఉంటుందని తెలుస్తోంది.