జ‌క్క‌న్న‌పై ఆలియా ఎంత మాట అంది!

RRR చిత్రంతో ఆలియా భ‌ట్ టాలీవుడ్ లో అడుగుపెట్టిన సంగ‌తి తెలిసిందే. `గంగూభాయి క‌థియావాడీ` చిత్రంతో బ్లాక్ బ‌స్ట‌ర్ కొట్టిన ఆలియాకు ఆర్.ఆర్.ఆర్ రూపంలో మ‌రో సంచ‌ల‌న విజ‌యం ఖాతాలో చేరింది. అయితే గంగూభాయితో సంతృప్తి చెందినంత‌గా ఆర్.ఆర్.ఆర్ తో సంతృప్తి చెంద‌లేదు.

దానికి కార‌ణం కేవలం 10 నిమిషాల పాటు ఉండే పాత్రలో మాత్రమే కనిపించడం అన్న‌ది అంద‌రికీ తెలిసిన‌దే. నిజానికి త‌న పాత్ర‌ను ఎక్కువ‌గా షూట్ చేసిన‌ దర్శకధీరుడు రాజమౌళి ఆ త‌ర్వాత ఎడిట్ రూమ్ లో క‌ట్ చెప్ప‌డంతో తాను చాలా కలత చెందానని ఆలియా హింట్ కూడా ఇచ్చింది.

దానివ‌ల్ల‌నే ఆర్.ఆర్.ఆర్ ప్ర‌మోష‌న్స్ లో ఆలియా క‌నిపించ‌లేద‌ని గుస‌గుస వినిపించింది. సోష‌ల్ మీడియాల నుంచి ఆలియా ఈ సినిమా ప్ర‌మోష‌న‌ల్ మెటీరియ‌ల్ ని తొల‌గించ‌డంతో చాలా నిరాశ చెందింద‌ని కూడా అంతా భావించారు. కానీ ఆలియా వెర్ష‌న్ మాత్రం వేరొక‌లా ఉంది. ఆర్‌.ఆర్‌.ఆర్ లో తనకు ఛాన్సిచ్చిందుకు రాజమౌళికి రెండు సార్లు కృతజ్ఞతలు తెలిపానని అలియా భట్ స్పష్టం చేసింది. జనవరిలో విడుదలకు సిద్ధమైనప్పుడు ఆమె సినిమాను దూకుడుగా ప్రమోట్ చేసినా తేదీ మారాక‌ ప్రమోషన్లలో పాల్గొనలేదు.

అయితే దీనిపై ఇప్పుడు ఆలియా హైదరాబాద్ లో బ్రహ్మాస్త్ర ప్రెస్ మీట్ పరోక్షంగా దీనిపై స్పందించింది. భారీ పాన్ ఇండియా చిత్రం ఆర్.ఆర్.ఆర్ లో నన్ను కథానాయికగా ఎంపిక చేసినందుకు రాజమౌళి సర్ కి ముందుగా కృతజ్ఞతలు. రాజమౌళి నాకు ఇచ్చిన పాత్రకు నేనే హీరోయిన్ అని ఇప్పుడు గర్వంగా చెప్పగలనని అలియా భట్ వ్యాఖ్యానించింది.

భారీ చిత్రం ఆర్‌.ఆర్‌.ఆర్ లో భాగమైనందుకు ఆలియా సంతోషాన్ని వ్యక్తం చేసింది. ఆ తర్వాత రాజమౌళి ఇప్పుడు `బ్రహ్మాస్త్ర` సినిమాతో హీరోగా మారాడని చెప్పింది. రాజమౌళి సార్ లేకుంటే ఈ సినిమా అంత రీచ్ అవ్వదు. అది పూర్తిగా అసంపూర్ణంగా ఉంటుంది. అతను రియల్ హీరోలా తెర‌పైకి వచ్చి సినిమాను బాగా చూసుకుంటున్నారు అంటూ ఆలియా వెల్ల‌డించింది.

ఇక‌పోతే ఆలియా-ర‌ణ‌బీర్ జంట బ్ర‌హ్మాస్త్ర చిత్రం ఘ‌న‌విజ‌యం కోసం ప్ర‌చారం ప‌రంగా ఏ ఒక్క అవ‌కాశాన్ని వదిలి పెట్ట‌డం లేదు. ఆలియా గ‌ర్భిణి అయినా వ‌రుస ఈవెంట్ల‌లో క‌నిపిస్తోంది. విమాన‌యానాలు చేస్తూ షాకిస్తోంది. ఈ సినిమాతో పెద్ద విజ‌యం అందుకోవాల‌ని ఈ జంట క‌ల‌లు గంటోంది. బ్ర‌హ్మాస్త్ర చిత్రానికి ఆయాన్ ముఖ‌ర్జీ ద‌ర్శ‌క‌త్వం వ‌హించారు. సెప్టెంబ‌ర్ 9న ఈ చిత్రం తెలుగు-హిందీ-త‌మిళం-క‌న్న‌డం-మ‌ల‌యాళంలో అత్యంత భారీగా విడుద‌ల కానుంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.