పెద్దాయనకు క్లాస్ పీకిన ఆలియా!

ఆలియా భట్ చాలా స్పీడ్ అనే విషయం ఆమె ప్రవర్తనలోనే కనిపిస్తుంది. సినిమాల్లోనే కాదు.. ఆఫ్ స్క్రీన్ లో కూడా మాంచి హుషారుగా ఉంటుంది ఆలియా. అలాంటి ఈ భామకు.. ఓ ఫ్లైట్ లో సమస్య ఎదురైంది. దీంతో ఓ వృద్ధుడికి క్లాస్ పీకాల్సి వచ్చింది.

ఫ్లైట్ లో ఆలియా బుక్ చేసుకున్న సీట్ లో ఓ ముసలాయన కూర్చుని.. తాను తన కుమారుడి పక్కన కూర్చుంటానని అడుగుతాడు. దయచేసి తన సీట్లో కూర్చోమని రిక్వెస్ట్ చేస్తాడు. దీనికి సరేనని ఆమె ఆ సీట్ దగ్గరికి వెళితే.. అది ఇద్దరు పురుషుల మధ్యలో ఉన్న మిడిల్ సీట్. దీంతో తన సీట్ తనకు ఇచ్చేయాలని చెబుతుంది ఆలియా. ఈ తరం కుర్రకారు దేనికీ అడ్జస్ట్ కారు అని ముసలాయన చిరాకుపడ్డంతో.. ఆలియాకు చిర్రెత్తుకు వచ్చేసింది. 'నా కన్వీనియన్స్ కోసం నేను సీట్ బుక్ చేసుకున్నాను. మీకు ఏ సీటు కావాలో నిర్ణయించుకోవడం చేతకాక.. యూత్ ని అనవసరంగా మాటలు అనకండి' అంటూ గట్టిగా క్లాస్ పీకుతుంది ఆలియా భట్.

అయితే.. ఇదంతా రియల్ గా జరిగిన సీన్ కాదు లెండి. డియర్ జిందగీ మూవీలోని డిలెటెడ్ సీన్స్ లో ఒకటి. ఇప్పుడా సినిమాకి సంబంధించిన డిలెటెడ్ సీన్స్ ను యూట్యూబ్ లో అప్ లోడ్ చేస్తున్నారు నిర్మాతలు. వాటిలో ఈ సీన్ లో ఆలియా నటన.. అందరినీ ఆకట్టుకుంటోంది.


Like Us on Facebook : https://www.facebook.com/Tupakidotcom/