ఆలియా ట్యాలెంట్‌ పై జక్కన్నకు ఇంత నమ్మకం ఏంటో?

టాలీవుడ్‌ జక్కన్న రాజమౌళి దర్శకత్వంలో రూపొందుతున్న ఆర్‌ఆర్‌ఆర్‌ సినిమా షూటింగ్‌ ఫుల్‌ స్వింగ్‌ లో జరుగుతోంది. ఈ సినిమా భారీ తారాగణంతో రూపొందుతోంది. ఎన్టీఆర్‌.. రామ్‌ చరణ్‌ లతో పాటు అజయ్‌ దేవగన్‌ ఆలియా భట్‌ ఇంకా పలువురు ప్రముఖ నటీనటులు ఇంకా హాలీవుడ్‌ ముద్దుగుమ్మలు ముగ్గురు కూడా ఈ సినిమాలో కనిపించబోతున్నారు. ఎన్టీఆర్‌ కు జోడీగా ఈ సినిమాలో హాలీవుడ్‌ ముద్దుగుమ్మ నటించనుండగా రామ్‌ చరణ్‌ కు జోడీగా సీత పాత్రలో ఆలియా నటిస్తున్న విషయం తెల్సిందే. త్వరలో మళ్లీ ఆలియా ఆర్‌ఆర్‌ఆర్‌ సినిమా షూటింగ్‌ లో జాయిన్‌ అవ్వబోతుంది.

తాజాగా రాజమౌళి ఒక చిట్‌ చాట్‌ లో సినిమాను ఖచ్చితంగా వచ్చే ఏడాది ఎంత త్వరగా వీలు అయితే అంత త్వరగా ప్రేక్షకుల ముందుకు తీసుకు రావాలని భావిస్తున్నట్లుగా చెప్పుకొచ్చాడు. ఇదే సమయంలో ఆలియా భట్‌ ను హీరోయిన్‌ గా ఎంపిక చేయడంపై మరోసారి స్పష్టత ఇచ్చాడు. సీత పాత్ర నటనకు ఆస్కారం ఉన్న పాత్ర. ఒక మంచి నటి మరియు అందమైన అమ్మాయి కావాలనుకున్నప్పుడు నాకు ఆలియా అయితే బాగుంటుందని అనిపించింది. ఎన్టీఆర్‌ మరియు చరణ్‌ లకు పోటీ ఇవ్వాలంటే ఆలియా మాత్రమే సూట్‌ అవుతుంది అనిపించింది.

ఆలియా ఒక అద్బుతమైన నటి అంటూ జక్కన్న అభిప్రాయం వ్యక్తం చేశాడట. రామ్‌ చరణ్‌ మరియు ఎన్టీఆర్‌ ల నటనను బ్యాలన్స్‌ చేయగల సత్తా ఆలియాకు మాత్రమే ఉంటుందనే నమ్మకం నాకు ఉందని అందుకే ఆమెను హీరోయిన్‌ గా నటింపజేస్తున్నాను అంటూ రాజమౌళి అన్నాడట. నెపొటిజం విమర్శలు విపరీతంగా ఎదుర్కొంటున్న ఆలియా ప్రతిభపై జక్కన్నకు మరీ ఇంత నమ్మకం ఏంటో అంటూ కొందరు నెటిజన్స్‌ అనుమానాలు వ్యక్తం చేస్తున్నారు.