హుషారు లేని ఆలియా షాన్ దార్

ఆలియా భట్, షాహిద్ కపూర్ లు నటించిన షాన్ దార్ థియేటర్లలోకి వచ్చేసింది. రిలీజ్ షో నుంచే బిలో యావరేజ్ టాక్ వచ్చేసింది మూవీకి. ఆలియా తన పేరుతోనే కేరక్టర్ చేసింది. అంటే సినిమాలో హీరోయిన్ పాత్ర పేరు కూడా అలియానే. అయితే... హీరోహీరోయిన్లకు కేరక్టరైజేషన్ సరిగ్గా కుదరలేదని,.. కనీసం వాళ్ల మానరిజమ్ ని కూడా డైరెక్టర్ అర్ధం చేసుకోలేదంటున్నారు క్రిటిక్స్. స్వీట్ అంట్ క్యూట్ న్యాచురల్ యాక్టర్ గా గుర్తింపు పొందిన షాహిద్ కపూర్ ని.. డిఫరెంట్ అంటూ ఇలాంటి కేరక్టర్ లో చూడ్డం కష్టం అనిపించేలా ఉన్నాయి కొన్నిచోట్ల షాహిద్ గెటప్స్.

ఇతనికి రాసిన డైలాగ్ వెర్షన్ కూడా ఏ మాత్రం ఆకట్టులేకపోయిందంటున్నారు ప్రేక్షకులు. కనీసం పాటలన్నా రిలీఫ్ ఇస్తాయంటే... విజువలైజేషన్ తప్పిదాలతో జనాలకు ఆ భాగ్యం కూడా కలగలేదని తేల్చేస్తున్నారు. షాహిద్, ఆలియాల జంట జంట చూడ్డానికి బాగున్నా.. అందుకు తగ్గట్లుగా ఎమోషన్స్ పండించలేకపోవడం ప్రధాన మైనస్ గా చెప్పుకోవాలి.

దీనికితోడు హమ్ ఆప్ కే హై కౌన్ ని ఇన్ స్పిరేషన్ గా తీసేసుకుని.. అదే పంథాలో లాగించేద్దామంటే.. అన్నిసార్లు కుదరని విషయం. ఈ అంశాన్ని డైరెక్టర్ పూర్తిగా విస్మరించాడంటున్నారు ఆడియన్స్. అసలు షాన్ దార్ అని టైటిల్ పెట్టిన సినిమాలా షాన్ ఎక్కడ అని క్వశ్చన్ వస్తోందంటే... ఈ సినిమా పరిస్థితి అర్ధంచేసుకోవచ్చు.