చ‌లి చంపేసినా సీన్ వేడి పుట్టించింది

కుర్ర హీరోయిన్ అలియాభ‌ట్ కు బికినీ వేయడం కొత్తేమీ కాదు. తొలి సినిమా స్టూడెంట్ ఆఫ్ ది ఇయ‌ర్ లోనే బికినీలో రెచ్చిపోయింది. టూపీస్‌తో యువ లోకాన్ని త‌న‌వైపున‌కు తిప్పుకుంది. ప్ర‌స్తుతం యూత్ లో అలియా అంటే ఓ ర‌క‌మైన వైబ్రేష‌న్స్ పుట్టుకొస్తాయి. అందుకే ఆ భామ ఛాన్స్ దొరికిన ప్ర‌తిసారీ బికినీ అంటే ఇంపార్టెన్స్ ఇస్తుంది. ఇటీవ‌ల షాన్ దార్ సినిమాలో కూడా బికినీ వేసింది. కానీ ఈ బికినీ మాత్రం జీవితాంతం గుర్తిండిపోయే ఓ చేదు అనుభ‌వాన్ని మిగిల్చిందిట పాపం!

గ‌డ్డ క‌ట్టించే చ‌లిలో త‌డిసి ముద్దైన బికినీ వేసుకుంటే ఎలా ఉంటుంది? రోమాలు జిల్ల‌ని ఒక్కసారిగా నిక్క‌బొడిచి తిరిగి చ‌చ్చుబ‌డిపోతాయి. ఇలాంటి రేర్ ఇన్సిడెంట్‌ని అలియా ఫేస్ చేయాల్సి వ‌చ్చింది. మైన‌స్ 2 డిగ్రీల చ‌లిలో బికినీ వేసుకుని న‌డుచుకుంటూ వ‌స్తూంటే న‌ర‌కంలోకి వెళ్లొచ్చిన‌ట్టే అనిపించింది. అస్స‌లు చ‌లిని త‌ట్టుకోలేక‌పోయాను. కానీ సీన్ మాత్రం బాగా రావ‌డంతో ఆ బాధ‌ను మ‌ర్చిపోయాన‌నుకోండి. ఇందులో హీరోగా న‌టించిన షాహిద్ క‌పూర్ కూడా త‌న అనుభ‌వాన్ని పంచుకున్నాడు. ఈ సీన్ లో బనియ‌న్ షార్ట్ వేసుకుని న‌టించా. మ‌గాడిని నేనే ఆ చ‌లిని త‌ట్టుకోలేక‌పోయాను. అలియా గురించి ఆ దేవుడికే తెలియాలంటున్నాడు.

అయితే వ‌య‌సు మిస‌మిస‌లో ఉన్న ఈ ఇద్ద‌రు ఈ సీన్ లో క‌లిసి న‌టించినప్పుడు మాత్రం పుట్టే వేడి అగ్నిప‌ర్వ‌తం నుంచి పుట్టే లావాలా మ‌రిగి ఉంటుంది. ఇటీవ‌లే షాహిద్ మీరా రాజ్‌పుత్‌ని పెళ్లాడాడు కాబ‌ట్టి పెళ్ల‌యిన వాళ్ల‌పై నో కామెంట్ ప్లీజ్‌!