మాల్దీవులకు పయనమైన స్టార్ కపుల్..!

బాలీవుడ్ స్టార్ లవ్ కపుల్ రన్బీర్ కపూర్, అలియా భట్ ఈరోజు హాలీడే స్పాట్ మాల్దీవులకు బయలుదేరారు. ఈ మధ్యకాలంలో స్టార్ సెలబ్రిటీలకు మాల్దీవ్స్ అనేది మోస్ట్ ఫేవరేట్ అయిపోయింది. అందుకే ఒకరి తర్వాత ఒకరు మెల్లగా మాల్దీవ్స్ బాటపడుతున్నారు. తాజాగా రన్బీర్ కపూర్, అలియా భట్ ఇద్దరూ కూడా లగేజ్ తో పాటు మాల్దీవ్స్ కు ప్రయాణమైనట్లు విమానాశ్రయంలో కనిపించారు. ఆ ఫోటోలు ప్రస్తుతం సోషల్ మీడియాలో వైరల్ అవుతున్నాయి. అయితే వీరిద్దరూ కూడా కరోనా బారినపడి కోలుకున్నారు. మార్చ్ నెలలో రన్బీర్ కరోనా పాజిటివ్ కాగా.. ఇటీవలే అలియా పాజిటివ్ రావడంతో హోమ్ క్వారంటైన్ లో ఉన్నారు.

ఇప్పుడు ఇద్దరికీ కరోనా నెగటివ్ రావడంతో పాటు ముంబైలో ప్రస్తుతం వైరస్ వణుకు పుట్టిస్తుండటంతో ఈ ప్రేమికులు ఇద్దరూ మాల్దీవులకు పయనమయ్యారు. ఈ స్టార్స్ ఇద్దరూ మూడేళ్లుగా డేటింగ్ లో ఉన్నారు. నిజానికి కరోనా లేకపోతే ఈపాటికి రన్బీర్ - అలియా మ్యారేజ్ అయిపోయేది. ఇటీవలే యంగ్ కపుల్ టైగర్ ష్రాఫ్ - దిశా పటాని మాల్దీవ్స్ కు వెళ్లారు. అంతకుముందు కుర్రహీరోయిన్ సారా అలీఖాన్ తన తల్లి అమృతతో కలిసి వెళ్ళింది. అయితే కరోనా క్వారంటైన్ సమయంలో రన్బీర్ - అలియా ఇద్దరూ ఒకరినొకరు బాగా మిస్ అయ్యారట. అందుకే ఇప్పుడు ఇలా హాలీడే ట్రిప్ కు వెళుతున్నారని టాక్. ఇదిలా ఉండగా త్వరలోనే వీరిద్దరూ కలిసి నటించిన బ్రహ్మస్త్ర మూవీ విడుదలకు రెడీ అవుతోంది.