ఆకాశ‌మే హ‌ద్దుగా చెల‌రేగుతున్న ఆలియా

ఆకాశం నీ హ‌ద్దురా! అంటూ సూర్య ఎంతో స్ఫూర్తివంత‌మైన క‌థ‌లో న‌టించారు. ఎవ‌రైనా ఒక‌ మ‌నిషి ఎద‌గానికి ఆకాశ‌మే హ‌ద్దు.. ఆలోచ‌న ఆచ‌ర‌ణ‌ ఉండాలే కానీ..! అని నిరూపించాడు ఎయిర్ డెక్క‌న్ అధినేత‌. అత‌డి పాత్ర‌లోకి ప‌ర‌కాయ ప్ర‌వేశం చేశాడు సూర్య‌.

తాను ఎంచుకున్న రంగంలో ఆకాశ‌మే హ‌ద్దుగా ఎదిగేస్తోంది ఆలియా భ‌ట్. బాలీవుడ్ లో అగ్ర‌ క‌థానాయిక హోదాని అందుకుంది. సౌత్ ని ఏలేందుకు ఇటువైపు చూస్తోంది. వ‌రుస‌గా పాన్ ఇండియా సినిమాల‌తో ఈ అమ్మ‌డు క్ష‌ణం తీరిక లేనంత బిజీగా ఉంది. 2020-21 సీజ‌న్ కి ఇండియాలోనే మోస్ట్ అవైటెడ్ పాన్ ఇండియా సినిమాల‌న్నీ ఈ అమ్మ‌డి ఖాతాలోనే చేరాయి.ఓవైపు జ‌క్క‌న్న ద‌ర్శ‌క‌త్వంలో ప్ర‌తిష్ఠాత్మ‌క ఆర్.ఆర్.ఆర్ షూటింగ్ ని ముగించేసి అటు భ‌న్సాలీ ద‌ర్శ‌క‌త్వంలో గంగూభాయి క‌తియావాడీ చిత్రీక‌ర‌ణ‌కు వెళ్లింది. ఇటీవ‌ల షెడ్యూల్ ని ముగించి చిన్న‌పాటి విహార‌యాత్ర‌కు ప్లాన్ చేసింది.

ఈ ట్రిప్ లో త‌న ఫ్రెండ్స్ తో క‌లిసి ఓ రేంజులోనే ఎంజాయ్ చేస్తోంది. విదేశీ బికినీ బీచ్ సెల‌బ్రేష‌న్ కి సంబంధించిన‌ర‌క‌ర‌కాల ఫోటోల్ని ఇప్ప‌టికే ఆలియా సోషల్ మీడియాల్లో షేర్ చేయ‌గా అవి వైర‌ల్ గా మారా‌యి. త‌న స్నేహితురాళ్లు అనుష్క రాంజ‌న్.. ఆకన్ష‌ రాంజ‌న్ క‌పూర్ ల‌తో క‌లిసి బీచ్ సెల‌బ్రేష‌న్స్ లో బిజీగా ఉంది. గాళ్స గ్యాంగ్ ఆకాశ‌మే హ‌ద్దుగా చెల‌రేగుతోంద‌ని ఈ ఫోటోలు చెప్ప‌క‌నే చెబుతున్నాయి.

ఇంత‌కుముందు బీచ్ ఇసుక‌లో చిలౌట్ చేస్తున్న ఫోటోని షేర్ చేయ‌గా అది క్ష‌ణాల్లో వైర‌ల్ అయ్యింది.ఆలియా ఎప్పుడు ఎక్క‌డ ఏం చేస్తున్నా ఇన్ స్టాలో దానిని రివీల్ చేస్తోంది కాబ‌ట్టి అభిమానులు ఈ వేదిక‌పై ప్ర‌తిదీ తెలుసుకునేందుకు ఎంతో ఆస‌క్తిగా ఉన్నారు. ఆలియా న‌టించిన బ్ర‌హ్మాస్త్ర రిలీజైతే ర‌ణ‌బీర్ తో వివాహం కూడా ఉంటుంద‌ని తెలుస్తోంది.