ఓటీటీలోనే ఆ స్టార్ హీరో చిత్రాల‌న్నీ!

కొవిడ్ కార‌ణంగా మాలీవుడ్ లో థియేట‌ర్లు ఇంకా పూర్తిస్థాయిలో తెరుచుకోలేదు. అడ‌పాద‌డ‌పా తెరుచుకున్నా మాలీవుడ్ నిర్మాత‌లు థియేట్రిక‌ల్ రిలీజ్ కి ఆస‌క్తి చూపించ‌లేదు. ప్ర‌స్తుత ప‌రిస్థితుల్లో ఓటీటీనే ఉత్త‌మం అని వచ్చిన లాభాల‌కే సినిమాని అమ్మేసుకోవ‌డం చ‌ర్చ‌నీయాంశంగా మారింది. మ‌ల‌యాళం సినిమాల్ని కంటెట్ బేస్డ్ చిత్రాలు కావ‌డ‌డంతో ఓటీటీలో మంచి డిమాండ్ కూడా ప‌లుకుతోంది. దేశ‌మంతా థియేట‌ర్ల విష‌యంలో అల్ల‌క‌ల్లోలంగా ఉన్నా మాలీవుడ్ లో ఆ ప‌రిస్థితులు లేవు. అక్క‌డ ఎగ్జిబిట‌ర్లు...డిస్ట్రిబ్యూట‌ర్లు నిర్మాత‌ల‌కు పూర్తి స‌హ‌కారం అందిస్తున్న‌ట్లే క‌నిపిస్తోంది. ప‌రిమిత బ‌డ్జెట్ల‌తో స్టార్ల సినిమాలు మార్కెటింగ్ స్ట్ర‌గుల్స్ ని అధిగ‌మిస్తున్నాయి.

దీంతో మాలీవుడ్ స్టార్ హీరోలు అంతా కూల్ గా త‌మ సినిమాల్ని ఓటీటీలో రిలీజ్ చేసుకుంటున్నారు. కంప్లీట్ స్టార్ మోహ‌న్ లాల్ క‌థానాయ‌కుడిగా న‌టిస్తోన్న చిత్రాల‌న్ని కూడా ఓటీటీ రిలీజ్ కి రెడీ అవుతున్నాయి. ఇప్ప‌టికిప్పుడు మొత్తం నాలుగు సినిమాలు ఓటీటీ క్యూలో ఉన్నాయి. భారీ బ‌డ్జెట్ తో తెర‌కెక్కిన `మ‌ర‌క్క‌ర్`..`బ్రో డాడీ`.. `12వ మ‌నిషి`..`ఎలోన్` వంటి సినిమాలు నేరుగా ఓటీటీలోనే రిలీజ్ కాబోతున్నాయి. మోహ‌న్ లాల్ కెరీలో నే తొలి భారీ బ‌డ్జెట్ చిత్రం `మ‌ర‌క్క‌ర్ : అరేబియా స‌ముద్ర‌పు సింహం` కూడా ఓటీటీలోనే వ‌స్తోంది. కానీ ఈ సినిమా పై భారీ అంచ‌నాలున్నాయి. ఈ భారీ యాక్ష‌న్ ఎంట‌ర్ టైన‌ర్ క్రిస్మ‌స్ కానుక‌గా డిసెంబ‌ర్ 24న ఆమెజాన్ ప్రైమ్ లో రిలీజ్ అవుతుంది.

`దృశ్యం-2` త‌ర్వాత మోహ‌న్ లాల్ న‌టించిన చిత్రం అమెజాన్ లో రిలీజ్ అవుతోన్న రెండ‌వ చిత్రం కావ‌డం విశేషం. మిగిలిన చిత్రాలు ఓటీటీ రిలీజ్ కి ఒప్పందం జ‌రుగుతున్న‌ట్లు స‌మాచారం. ఇంకా మోహ‌న్ లాల్ న‌టిస్తోన్న చాలా చిత్రాలు ఆన్ సెట్స్ లో ఉన్నాయి. కొన్ని షూటింగ్ పూర్తిచేసుకుని పోస్ట్ ప్రొడ‌క్ష‌న్ ప‌నుల్లో ఉన్నాయి. మ‌రికొన్ని ఆన్ సెట్స్ లో ఉన్నాయి. ప్ర‌స్తుత ప‌రిస్థితుల్లో ఓటీటీ మార్కెట్ సినిమాల‌కు సేఫ్ జోన్ గా ఉండ‌టంతో నిర్మాత‌లు..హీరోలు అదే వేదిక‌పై రిలీజ్ చేయ‌డానికి ఆస‌క్తి ని చూపిస్తున్నారు.