ప్రభుత్వ సానుభూతి తో వకీల్ సాబ్ కు ఆల్ టైం రికార్డ్ ఖాయం!!

ఇంతకు ముందు మిడ్ నైట్ షోలు.. బెనిఫిట్ షోలకు అనుమతులు కావాలంటే పెద్ద ప్రహసనం అయ్యేది. ఒకటి రెండు చోట్ల మినహా ఎక్కువ చోట్ల బెనిఫిట్ షోలకు అనుమతులు వచ్చేవి కావు. అలాగే టికెట్ రేట్ల విషయంలో చాలా కండిషన్ లు ఉండేవి. ఇష్టానుసారంగా పెంచే వీలు లేదు. కానీ కరోన కారణంగా మూతపడ్డ తియేటర్లు ఎట్టకేలకు ఓపెన్ అవ్వడం తో వాటికి పలు విషయాల్లో ప్రభుత్వం రాయితీ కల్పించడంతో పాటు కాస్త సానుభూతి కూడా చూపిస్తున్నట్లుగా అనిపిస్తుంది. అందుకే టికెట్ల రేట్ల విషయంలో మరియు స్టార్ హీరోల స్పెషల్ షోల విషయంలో కూడా ప్రభుత్వం ఇంతకు ముందు మాదిరిగా మొండి పట్టుదలతో లేదు. ఇప్పుడు అది వకీల్ సాబ్ కు కలిసి వచ్చేలా ఉందని ఇండస్ట్రీ వర్గాల వారు అంటున్నారు.

ఏప్రిల్ 9న విడుదల కాబోతున్న వకీల్ సాబ్ సినిమా భారీ ఓపెనింగ్స్ ను రాబట్టే అవకాశం కనిపిస్తోంది. విశ్వసనీయ సమాచారం ప్రకారం నైజాం ఏరియాలో పలు ప్రధాన థియేటర్ ల్లో మిడ్ నైట్ షోలు వేయబోతున్నారు. ఇక తెలుగు రాష్ట్రాల్లోని అన్ని ప్రధాన పట్టణాలు మరియు నగరాల్లో సినిమా బెనిఫిట్ షోలు వేయబోతున్నారు. మొదటి రోజు చాలా చోట్ల 5 లేదా 6 షోలు పడబోతున్నాయని సమాచారం అందుతోంది. స్పెషల్ షో ల టికెట్స్ రేట్లు ఆకాశమే హద్దుగా పెంచేస్తున్నారు. కనుక వకీల్ సాబ్ ప్రభుత్వ సానుభూతి కారణంగా ఓపెనింగ్స్ ఇండస్ట్రీ హిట్ కొట్టడం ఖాయం అన్నట్లుగా నమ్మకం వ్యక్తం అవుతోంది.