రివ్యూలతో అల్లరోడి బాగా హర్టయ్యాడా?

పైకి ఇదే కారణం అంటూ మనకు చెప్పకపోయినా కూడా.. నిజానికి అల్లరి నరేష్‌ ఇప్పుడు ''సెల్ఫీ రాజా'' సినిమాకు వచ్చిన రివ్యూల కారణంగా చాలా హర్టయ్యడని అర్దమైపోతోంది. మొన్న జరిగిన సక్సెస్ మీట్లో మనోడు మాట్లాడిన ఎమోషన్‌ మాటలే అందుకు సాక్ష్యం.

నిజానికి రివ్యూలు బ్యాడ్ గా వచ్చినా కూడా సెల్ఫీ రాజా కలక్షన్లు బాగానే ఉన్నాయి. అందుకే ఈ సినిమా సక్సెస్ అయినందుకు ఆనందంగా ఉందంటున్నాడు నరేష్‌. ''ఒక సినిమా ఏదో అలా అనుకుంటే అయిపోదు.. ఇంతమంది హార్డు వర్కు.. ఇంతమంది కెరియర్లు.. ఈ కష్టం.. అందరికీ హిట్టు కావాలి. 8 నెలలపాటు ఎండల్లో కష్టపడితేనే సినిమా రెడీ అవుతుంది. అందరూ హిట్టు కావాలనే పనిచేస్తారు. నీకేముంది హీరోవి ఇంకో సినిమా వస్తుంది అనుకుంటారు.. కాని నాక్కూడా ఏ సినిమాకు ఆ సినిమాకే కౌంట్ అవుతుంది'' అంటూ ఒక సినిమా వెనుక ఉండే కష్టాన్ని అందరూ అర్దం చేసుకోవాలని కోరుకున్నాడు అల్లరోడు.

ఇక సినిమా గురించి మాట్లాడుతూ.. ''మేము అనుకున్నంత సక్సెస్ వచ్చింది. ఈ విషయం నాకు ఎవ్వరూ చెప్పక్కర్లేదు. ఎందుకంటే దాదాపు సుడిగాడు సినిమా తరువాత ఎప్పుడూ నాకు ఫోన్ చేయని డిస్ర్టిబ్యూటర్లు ఇప్పుడు ఫోన్‌ చేసి.. బయ్యా రూపాయికి రూపాయి తిరిగొచ్చేస్తుంది అంటూ ఫస్టుడే కన్ఫామ్‌ చేశారు. అది చాలా నాకు. ఇదే నిజమైన సక్సెస్'' అంటూ క్రిటిక్స్ పేర్లు తీయకుండానే నరేష్‌ తాను చెప్పాల్సిన మెసేజ్ చెప్పేశాడు.

మాట్లాడుతున్నంత సేపూ.. నరేష్‌ సక్సెస్ మీట్ చాలా ఎమోషనల్ గా కనిపించడం అందరినీ ఒకింత ఆశ్చర్యానికి గురి చేసింది. బహుశా సినిమాకు బాగా కలక్షన్లు వస్తున్నా కూడా విమర్శకులు చెండాడేశారనే కారణంతో ఇలా డల్‌ అయిపోయావా రాజా??